3-قازان، سەنبى كۇنى پارتيانىڭ اقتوبە وبلىستىق فيليالى ءتوراعاسى، وبلىس اكىمى وڭداسىن ورازالين №5ء-شى سايلاۋ ۋچاسكەسىندە ونلاين تۇرىندە ۇمىتكەرلەرگە داۋىس بەردى. ەلىمىزدە العاش رەت وتكىزىلىپ وتىرعان پارتياىشىلىك سايلاۋ - پرايمەريزدىڭ قوعامداعى الار ورنى ەرەكشە ەكەنىن ايتىپ وتكەن ايماق باسشىسى ۇمىتكەرلەردىڭ بارلىعىنا ساتتىلىك تىلەدى.
«وبلىستا 30 مىڭنان استام پارتيا مۇشەلەرى بولسا، قازىرگى تاڭدا 20 مىڭى تاڭداۋلارىن جاساپ، داۋىس بەرگەن. پرايمەريزدىڭ ەرەكشەلىگى سول ەلدەگى ءار ءتۇرلى پروبلەمالارعا ۇلكەن جاناشىرلىقپەن قارايتىن ءوز ورتامىزدا جۇرگەن ازاماتتاردى ىرىكتەسەك، وعان تەك پارتيا مۇشەلەرى عانا ەمەس، قوعامعا وزگەرىس جاساۋعا نيەتتى ءاربىر ازاماتقا دا مۇمكىنشىلىك بەرىلدى. بۇگىن پارتيانىڭ وبلىستىق فيليالى ءتوراعاسى رەتىندە تىزىمدەگى ازاماتتارعا تۇگەل قولداۋ كورسەتتىم»،-دەپ اتاپ ءوتتى وڭداسىن ورازالين. 
«Nur Otan» پارتياسى اقتوبە وبلىستىق فيليالى ءتوراعاسىنىڭ ءبىرىنشى ورىنباسارى ەربول داناعۇلوۆتىڭ ايتۋى بويىنشا پرايمەريزگە اقتوبە وبلىسىنان 460 ۇمىتكەر قاتىسۋدا. ال قالا بويىنشا 138 ۇمىتكەر ب ا ق سىنايدى. ولار پارتيالاستارىمەن بىرگە 5 مىڭنان استام كەزدەسۋ وتكىزگەن. جاريا پىكىرسايىستاردا ءتۇرلى ماسەلەلەر كوتەرىپ، وڭتايلى شەشۋ جولدارىن ۇسىندى. 
وبلىس بويىنشا 118 داۋىس بەرۋ ورىندارى اشىلدى. ونىڭ 76-سى ونلاين فورماتتا بولسا، 42 ورىن قاعاز بيۋللەتەنىمەن داۋىس بەرۋگە ارنالعان.
پىكىر قالدىرۋ