قازاقستاننىڭ حالىق جازۋشىسى، قارت قالامگەر ءابدىجامىل نۇرپەيىسوۆتىڭ جارى دۇنيە سالدى. قارالى حاباردى ساياساتكەر، جۋرناليست ءامىرجان قوسانوۆ ەستىرتتى.
"الەم ادەبيەتىنىڭ كلاسسيگى ابە – ءابدىجاميل نۇرپەيىسوۆ اتامىزدىڭ ۇيىندەگى اجار اپاي 90 جاسىندا ومىردەن وزدى.
"قان مەن تەر" رومانىن وقىعان، وقىماعان بارشا اعايىنعا ەستىرتىپ جاتقانىم.
ۇلى جازۋشىنىڭ ومىرلىك سەرىگى، مۋزاسى بولعان اپامىز بەلگىلى عالىم، حيميا سالاسىنا، ەل ونەركاسىبىنە ەلەۋلى ەڭبەك سىڭىرگەن قايراتكەر ەدى.
داستارحانىنان تالاي ءدام تاتىپ ەدىك.
الدىنان جارىلقاسىن. ارتى قايىرلى بولسىن! اتامىز امان بولسىن! جاقىندا عانا اۋرۋحانادان شىققان ول كىسىگە قيىن بولىپ جاتىر-اۋ..." دەلىنگەن ءجۋرناليستىڭ facebook-تاعى جازباسىندا.
قامشى پورتالى قارت قالامگەر ءابدىجامىل نۇرپەيىسوۆكە ومىرلىك سەرىگىنىڭ قايتىس بولۋىنا بايلانىستى قايعىسىنا ورتاقتاسىپ كوڭىل ايتادى.
