الەۋمەتتىك جەلىدە كەيبىر بەلسەندىلەر "اسىل ارنا" تەلەارناسىنىڭ ديرەكتورى مۇحامەدجان تازابەكتىڭ "ءتالىم ترەند" حابارىنىڭ ۇلتتىق ارنادان كورسەتىلۋىنە قارسىلىق بىلدىرگەن. مۇحامەدجان تازابەك بىرنەشە ادامنىڭ سوزىنە بولا باعدارلاما جابىلمايتىنىن جەتكىزدى.
"مەنىڭ وسى جۇرگىزىپ وتىرعان پاراقشامنان، ايتىپ جۇرگەن “ءتالىم ترەندتەن” كىمگە نە زيان بار؟ كەيبىر قاراكوزدەرىمىز دابىل قاعىپ، “مۇحامەدجان سويلەمەسىن، ءتالىم ترەند توقتاتىلسىن” دەپ داۋرىعاتىنداي كىم نە ءبۇلدىردى؟". جازباسىن وسىلاي باستاعان تازابەك بۇل حاباردا ءدىني ۋاعىز بەن ناسيحات ەمەس، تاجىريبەسىمەن ءبولىسىپ، تالىم-تاربيە مەن ىزگىلىك تۋرالى ايتىپ جۇرگەنىن جەتكىزدى.
سونداي-اق اۆتور وتباسىمەن بىرگە كورۋگە بولاتىن تاعىلىمدى حاباردان كىمنىڭ قانداي قاسىرەت كورىپ تۇرعانىن تۇسىنبەيتىندىگىن ايتىپ، اعىنان جارىلدى.
– “ويباي، ۋاحابي ەكەن، ارابتان اقشا الادى ەكەن، بيلىككە جاعىمپاز بولعاسىن جولى اشىق ەكەن” دەگەن جالا مەن دولباردى ەستىپ كەلە جاتقانىما جيىرما جىل بولدى. كۇدىكتىلەر ۇستالىپ، كىنالىلەر سوتتالىپ، قانشاما وقيعا تاريحقا ءسىڭىپ كەتتى. بولاتىن جاققا ءجۇرىپ، وڭاتىن تىرلىكپەن اينالىسۋدىڭ ورىنىنا ءالى كۇنگە ءبىر-بىرىمىزدى اڭدىپ، بەرەكەمىزدى قاشىرىپ، بەت-بەتىمىزبەن شاشىلىپ ءجۇرمىز، – دەدى اۆتورى ءسوزىن جالعاستىرىپ.
ءسوز سوڭىندا، م.تازابەك جاۋ ىزدەگەنشە، ب ا ق ىزدەۋ كەرەكتىگىن ايتىپ، اشۋعا بەرىلمەي، بىرلىككە شاقىردى. وعان قوسا بەس-التى قازاق قارسى بولعاننان “ءتالىم ترەند" توقتاپ قالمايتىنىن دا باسا ايتتى.
پىكىر قالدىرۋ