– كارانتينگە دەيىن رەسپۋبليكادا شامامەن 16 مىڭ كافە، مەيرامحانا، بار، كاراوكە-كلۋب، بيليارد بولمەلەرى، كينوتەاترلار مەن ساۋدا ورتالىقتارى جانىنداعى فۋدكورتتار جۇمىس ىستەدى. ولاردىڭ ءارقايسىسىندا ورتا ەسەپپەن 50 جۇمىس ورنى بولدى. ءبىر جەردە كوپ، ءبىر جەردە از. ءبىراق كارانتينگە دەيىنگى كەزەڭدە سالا رەسپۋبليكا بويىنشا شامامەن 800 مىڭ ادامدى جۇمىسپەن قامتىدى. وندا بيزنەس يەلەرى، اسپازدار، داياشىلار جانە تەحنيكالىق قىزمەتكەرلەر بار. ياعني، كارانتين جاريالانعان كەزدە ءبىزدىڭ سالادا ءدال سونشا ادام جۇمىسسىز قالدى، – دەدى قاۋىمداستىق پرەزيدەنتى.

ونىڭ سوزىنشە، كاراوكەلەر ناۋرىز ايىندا جابىلعان بەرى شامامەن 20 ملرد تەڭگەدەن استام شىعىن كورگەن.

"كينوپارك" جانە "كينوپلەكس" سياقتى كينوتەاترلاردىڭ ءىرى جەلىسىنىڭ فۋدكورتتارى 7 ملرد تەڭگەگە جۋىق قارجى جوعالتقان.

مامان مەيرامحانا بيزنەسىنىڭ كوپتەگەن قىزمەتكەرلەرى جابىلعاننان كەيىن تاكسي قىزمەتىنە كەتكەنىن ايتتى.

كارانتين كەسىرىنەن مەكەمەلەردىڭ 45 پايىزى قىزمەتىن توقتاتقان.