ەڭبەك جانە حالىقتى الەۋمەتتىك قورعاۋ مينيسترلىگى 2020 جىلعى قاڭتار-قىركۇيەك ايلارىندا رەسپۋبليكالىق بيۋدجەتتەن بازالىق زەينەتاقى تولەۋگە 576،4 ملرد تەڭگە، ىنتىماقتى زەينەتاقى تولەمدەرىنە – 1 ترلن 285،4 ملرد تەڭگە باعىتتالعانىن حابارلادى.
"2020 جىلعى قىركۇيەك ايىندا رەسپۋبليكالىق بيۋدجەتتەن زەينەتاقى تولەمدەرىنە 209 ملرد تەڭگە، ونىڭ ىشىندە بازالىق زەينەتاقى تولەۋگە – 64،8 ملرد تەڭگە، ىنتىماقتى زەينەتاقى تولەۋگە – 144،2 ملرد تەڭگە ءبولىندى" دەلىنگەن مينيسترلىك تاراتقان حابارلامادا.
1 قازانداعى جاعداي بويىنشا قازاقستاندا 2 ملن 212 مىڭ زەينەتكەر بار.
زەينەتاقى تولەمدەرىنىڭ ورتاشا مولشەرى (ونىڭ ىشىندە بازالىق زەينەتاقى) 2020 جىلعى 1 قازانداعى جاعداي بويىنشا 94 913 تەڭگەنى قۇراعان.
پىكىر قالدىرۋ