17-قازان كۇنى اقتوبە وبلىسىنىڭ اكىمى وڭداسىن ورازالين مارتوك اۋدانىنىڭ الەۋمەتتىك- ەكونوميكالىق جادايىمەن تانىسىپ، پاندەميانىڭ الدىن- الۋعا باعىتتالعان جۇمىستاردى باقىلادى. 

وبلىس اكىمى سارىجار اۋىلىنداعى ءورت ءسوندىرۋ بەكەتىنىڭ اشىلۋ راسىمىنە قاتىستى. 1987 جىلى سالىنعان نىسان بيىل كۇردەلى جوندەۋدەن ءوتىپ، ءورت ءسوندىرۋ بەكەتى رەتىندە پايدالانۋعا بەرىلدى. ازاماتتىق قورعاۋ ورگاندارىنىڭ 25 جىلدىعىنا ارنالعان شاراعا وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆ، تجد باستىعى ازاماتتىق قورعاۋ پولكوۆنيگى مارعۇلان امانبايەۆ، پوليسيا دەپارتامەنتىنىڭ باسشىسى ارىستان اتىعايەۆ، ت.ب قۇتقارۋ قىزمەتىنىڭ وكىلدەرى قاتىستى. وبلىس اكىمى اۆاريالىق-قۇتقارۋ تەحنيكالارىمەن تانىسىپ، بەكەت عيماراتىن ارالادى. 

“جانكەشتى ەڭبەكتەرىڭىز بەن بورىشقا ادالدىقتارىڭىز ءۇشىن العىس بىلدىرەمىن. ازاماتتىق قورعاۋ ورگاندارى شەشەتىن مىندەتتەردىڭ ماڭىزدىلىعىنا ەشكىم شەك كەلتىرە المايدى. اۋا رايىنىڭ قانداي جاعدايى بولماسىن، اپتاپ ىستىقپەن، قىتىمىر ايازدا، ورتتەن دە، سۋدان دا، تابيعي اپات، نەمەسە ادام قولىمەن جاسالعان ءتىلسىز جاۋلاردان اراشالاۋعا ءبىزدىڭ قۇتقارۋشىلار ءارقاشان دايىن. اقتوبە وبلىسىندا اعىمداعى جىلى 2900-عا جۋىق اۆاريالىق-قۇتقارۋ جۇمىستارى جۇرگىزىلگەن. ناتيجەسىندە 2000-عا جۋىق ادام قۇتقارىلعان، 100-دەن اسا ادامعا العاشقى مەديسينالىق كومەك كورسەتىلگەن”،-دەدى وڭداسىن ورازالين. قۇتقارۋ قىزمەتى سالاسىنداعى 7 ازاماتتى العىس حاتپەن ماراپاتتاپ، تەحنيكالىق اۆتوكولىكتەردىڭ كىلتىن تابىستادى. جاڭا ءورت ءسوندىرۋ بەكەتىنىڭ جەكە قۇرامى 23 قىزمەتكەردەن، 4 اۆتوكولىك، 6 قوسالقى تەحنيكالارىمەن جابدىقتالعان. 

ايماق باسشىسى باتىس جۇڭگو باتىس ەۋروپا جول بويىندا جاڭادان ىسكە قوسىلعان سەرۆيس كەشەنىنىڭ جۇمىسىمەن تانىستى. «Eco Oil» سەرۆيستىك كەشەنى ەۋروپالىق ستاندارتقا ساي سالىنىپ، جولاۋشىلارعا جاعداي جاسالعان. دۇكەن، تاماقتانۋ ورنى، جۋىناتىن بولمە ت.ب بار. جوبا قۇنى 400 ملن تگ قۇرايدى. 23 ادام جۇمىسپەن قامتىلعان. وبلىس اكىمى سارىجار اۋىلدىق وكرۋگىندەگى قيار، قىزاناق ەگۋمەن اينالىساتىن جىلىجاي كەشەنىنىڭ جۇمىسىن قارادى. “انەسوۆ” ج ش س شارۋاشىلىعى العاشىندا وسىمدىكتى اشىق الاڭعا ەككەن. 2020 جىلدىڭ ماۋسىم ايىندا 1 گا اۋماق ەگىن اۋماعىن قورشاپ، جىلىجاي كەشەنىن سالدى. تامشىلاتىپ سۋارۋ ءتاسىلى قولدانىلادى. كۇنارا 1،5 توننا ءونىم جينالىپ، اقتوبە قالاسىنىڭ ساۋدا ورىندارىنا جەتكىزىلۋدە. كاسىپكەر الداعى ۋاقىتتا ەگىستىك كولەمىن كەڭەيتۋدى جوسپارلايدى. جەرگىلىكتى 10 عا جۋىق ازامات جۇمىسپەن قامتىلدى. وڭداسىن ورازالين “جۇمىسپەن قامتۋ جول كارتاسى” باعدارلاماسى اياسىندا جۇزەگە اسىرىلعان اۋىلىشىلىك ايتەكە بي، جاڭاقونىس كوشەلەرىنىڭ ورتاشا جوندەۋىن باقىلادى. جوبا قۇنى 113،4 ملن تگ قارجىنى قۇرايدى. جوندەۋى ءساۋىر ايىندا باستالىپ تامىز ايىندا اياقتالدى. 2021 جىلى اۋىلىشىلىك 8 كوشەنى جوندەۋ جوسپاردا. ءوڭىر باسشىسى بۇدان سوڭ «جايساڭ» شەكارا بەكەتىندەگى كوروناۆيرۋستىق ينفەكسيانىڭ تارالۋىن الدىن-الۋ ماقساتىندا ازاماتتاردىڭ شەكارادان ءوتۋ كەزىندەگى سانيتارلىق تالاپتاردىڭ ساقتالۋى بويىنشا قابىلدانعان شارالاردى باقىلادى. 

  ق ر ۇقك شەكارا قىزمەتىنىڭ اقتوبە وبلىسى بويىنشا دەپارتامەنتىنىڭ باستىعى ءالىمجان باكييەۆ وبلىس اكىمىنە جاعدايدىڭ تۇراقتىلىعىن باياندادى. بەكەتتەن 5 بولمەلى ارنايى يزولياتور اشىلعان. وندا شەكارادان وتكەن ازاماتتار تەكسەرۋدەن وتەدى. مەديسينا، پوليسيا قىزمەتكەرلەرى ۇزدىكسىز قىزمەت اتقارۋدا. ايتىپ وتەيىك، 6 قازاننان باستاپ شەكارادان پتر( پوليمەرازدى تىزبەكتى رەاكسيا) تەستتەن وتكەن انىقتاماسى بار ازاماتتارعا وتۋگە رۇقسات ەتىلە باستادى. 

جايساڭ اۋىلىنداعى كوپسالالى كوللەدجىنىڭ جاتاقحاناسىنان 100 ورىندىق كورونوۆيرۋستىق ينفەكسيامەن كۇرەسۋ ماقساتىنداعى ستاسيوناردىڭ، دارىگەرلىك امبۋلاتوريا قۇرىلىسىمەن، «جۇمىسپەن قامتۋ جول كارتاسى» باعدارلاماسى اياسىندا ىسكە اسىرىلىپ جاتقان 

«جايساڭ ارنايى ءبىلىم بەرۋ ۇيىمى» كمم جوندەۋ جۇمىستارىمەن تانىستى.

150 بالاعا ارنالعان ءبىلىم ۇياسىنىڭ كۇردەلى جوندەۋى 2020 جىلدىڭ مامىر ايىندا باستالعان.مەملەكەتتىك باعدارلاما بويىنشا 120 ملن.تگ. قارالدى. ايماق باسشىسى عيمارات ءىشىن ارالاپ، ساپاسىن جوعارى باعالادى. قازىرگى تاڭدا 93 بالا تاربيەلەنۋدە. جەرگىلىكتى 30 ازامات جۇمىسپەن قامتىلدى. مارتوك اۋىلىندا دارىگەرلەرگە ارنالعان “مەيىرىمدى جۇرەك” قۇرمەت تاقتايشاسى اشىلدى. وڭداسىن ورازالين ەسكەرتكىش ورناتىلعان اللەيادا اۋداندىق دارىگەرلەرمەن كەزدەسىپ، سىن ساعاتىندا جان اياماي ەڭبەك ەتكەندەرى ءۇشىن العىس ءبىلدىردى. دەمالىس ورنىنا شىرشا اعاشىن وتىرعىزدى. 

ايماق باسشىسى “دوستىق”، “جاستىق” ساياباقتارىنىڭ ، «اربات» كەشەنىنىڭ اباتتاندىرۋ جۇمىستارىمەن تانىستى. 

 «جۇمىسپەن قامتۋ جول كارتاسى» باعدارلاماسى اياسىندا قۇنى 166،8 ملن تگ  

مارتوك اۋداندىق مادەنيەت ۇيىنە كۇردەلى جوندەۋ جۇمىستارى جۇرگىزىلگەن. سونداي-اق، 

قاراتوعاي اۋىلدىق وكرۋگىنە قاراستى 

«اقتوبە – رودنيكوۆكا – مارتوك» اۆتوموبيل جولىنىڭ 68-93 كم ۋچاسكەسىنىڭ ورتاشا جوندەۋ جۇرگىزىلدى. جوبا قۇنى 168،2 ملن.تگ. قۇرايدى. جوسپار بويىنشا جوندەۋ جۇمىستارى 2021 جىلى اياقتالادى. جوبا تولىق جۇزەگە اسىرىلسا اقتوبە- مارتوك جولىنداعى اۆتوكولىكتەردىڭ اعىنى ازايىپ، جولعا ارتىق كۇش تۇسپەۋىنە سەپتىگىن تيگىزبەك. 

جۇمىس ساپارىن قورىتىندىلاعان وبلىس اكىمى اۋدان باسشىسى ەرمەك كەنجەحانۇلىنا الەۋمەتتىك-ەكونوميكالىق دامۋ قورىتىندىسى بويىنشا ونەركاسىپ ءوندىرىس كولەمىن ارتتىرۋدى، جۇمىسسىزداردى تۇراقتى جۇمىسپەن قامتۋ بويىنشا ءبىرقاتار ناقتى تاپسىرمالار جۇكتەدى.