قازاقستان مۇسىلماندارى ءدىني باسقارماسى "اسىل ارنا" تەلەارناسىنىڭ ديرەكتورى مۇحامەدجان تازابەكتىڭ ءدىني سەنىمىنە قاتىستى ۇستانىمىن جاريالاعانىن حابارلاعاننان كەيىن بەلگىلى ءدىنتانۋشى قايرات جولدىباي مۇحامەدجان تازابەككە كوپتىڭ كوكەيىندەگى كۇتىكتى سەيىلتۋدىڭ جولدارىن ۇسىندى.

"جاڭا اقيداڭ قۇتتى بولسىن، مۇحامەدجان باۋىرىم" دەپ  باستالعان جازبادا قايرات جولدىباي ەندى سالافيلىككە كەتۋىنە ءوزى اتسالىسقان اداسقان جانداردى تۋرا جولعا سالۋ ءۇشىن تازابەكتىڭ ايانباي̆ ەڭبەك ەتۋى كەرەك ەكەنىن جازدى.

–  كەي̆ءبىر ازاماتتار مۇحاممەدجان باۋىرىمنىڭ جاڭا اقيداسىنا قاتىستى "بۇل دا كوزبوياشىلىق، تاقيالىق ءتاسىل" دەپ كۇمانمەن قاراپ جاتىر ەكەن. كۇماندارى ورىندى. وسى تۇستا مۇحاممەدجان باۋىرىما بۇل كۇدىكتى كەتىرۋدىڭ وپ-وڭاي̆ جولىن اي̆تاي̆ىن. اي̆نالاڭداعى تىعىز قارىم-قاتىناستا جۇرگەن ءسالافي اقيداسىنداعى ادامداردى ءوزىڭىز جيىرما جىلعا جۋىق ۋاقىتتان كەي̆ءىن دۇرىستىعىنا ابدەن كوز جەتكىزگەن ءماتۋرۋدي اقيداسىنا قاي̆تارۋ ءۇشىن تەر توگىپ، ايانباي̆ ەڭبەك ەتسەڭ، ءبارى ءوز قالپىنا كەلەدى. اسىرەسە، ءوزىڭىزدىڭ نەلىكتەن ماتۋرۋديلىككە قاي̆تقانىڭىزدى، سالافيلىك اقيداداعى ومىرلىك تاريحىڭىزدى اي̆تساڭىز اسەرلى بولاتىندىعىندا كۇمان جوق. بۇعان ءسىزدىڭ شەشەن ءتىلىڭىز دە، اقىل-پاراسات، ءادىس-تاسىلىڭىز دە جەتەدى دەپ وي̆لاي̆مىن. سولاردىڭ بىر-بىرلەپ ءماتۋرۋدي اقيداسىنا قاي̆تقانى جاي̆لى حاباردى ەستىگەن ساي̆ىن قازاق قوعامى قۋانىشقا بولەنىپ، وزىڭە كول-كوسىر العىسىن جاۋدىرار ەدى. ونىڭ ۇستىنە كەزىندە سالافيلىككە كەتۋىنە ءوزىڭىز ات سالىسقان اداسقان جانداردى تۋرا جولعا سالۋ ءۇشىن ايانباي̆ ەڭبەك ەتۋىڭ ەڭ اۋەلى بۇل ءدىني دە، ادامي دا پارىزىڭ.

"ءتاۋحيدتى ۇستانامىز دەي̆ءتىن ءسالافي جولىنداعى جىگىتتەردىڭ اي̆تىپ جۇرگەنى تازا سەكتا" دەپ ءوزىڭىز باعا بەرگەن شاتاسقان اعاي̆ىنداردى جيناپ نەمەسە بىر-بىرلەپ ارناي̆ى ۇمراعا، قاجىلىققا اپاراي̆ىق. قاي̆رات قۇرمانباي̆، ەرسىن امىرە، ەركىنبەك شوقاي̆، باۋىرجان ءالي ۇلى سىندى ءبىلىمدى ازاماتتاردى بىرگە اپارىپ، اداسقانداردىڭ اقيداسىن وزگەرتەي̆ىك. وسىلاي̆ جاساساڭىز عانا ءسوز بەن ءىس ءۇي̆لەسەدى دە، قوعامدا ەشبىر كۇمانعا ورىن قالماي̆دى. جۇرت نە دەسە دە، شىناي̆ىلىق تۇبىندە جەڭىسكە جەتەدى.

بۇل ۇسىنىسىمدى ەسىڭىزدە بولسا، 2013 جىلى ازىرەت سۇلتان مەشىتىنە كەلىپ، "قاي̆رەكە، ەلگە بىرگە قىزمەت جاساي̆ىق" دەگەن كەزىڭىزدە وزىڭىزگە "شارت" رەتىندە دە اي̆تقان بولاتىنمىن.، – دەدى ءدىنتانۋشى.