سەنبى، 14- قاراشا اقتوبە وبلىسىنىڭ اكىمى وڭداسىن ورازالين ءىس- ساپارمەن العا اۋدانىنا قاراستى سارىقوبدا اۋىلىنداعى گاز قۇبىرىنىڭ قۇرىلىسىمەن تانىستى. قۇرىلىس جۇمىستارى جەلتوقسان ايىندا اياقتالادى. جوبا ىسكە قوسىلسا، 92 تۇرعىن ءۇي، 3 الەۋمەتتىك نىسان كوگىلدىر وتىنمەن قامتاماسىز ەتىلەدى. بۇل ءۇشىن 195 ملن تگ قارجى بولىنگەن. بۇدان سوڭ ايماق باسشىسى 415 تۇرعىنى بار بولگاركا اۋىلىنا كەلگەن گازدى رەسمي تۇردە ىسكە قوستى. تۇرعىندارمەن كەزدەسىپ، وبلىستا اتقارالىپ جاتقان ءبىرقاتار جۇمىستاردى اتاپ ءوتتى. 
“ مەملەكەت باسشىسى قاسىم-جومارت توقايەۆتىڭ قازاقستان حالقىنا ارناعان جولداۋىندا دا باستى باعىت حالىقتىڭ الەۋەتىن ارتتىرۋ جايىنا اۋدارىلعان.ەلدەگى ساياسي تۇراقتىلىق، ەكونوميكالىق دامۋ ءۇردىسى ۇيىمداسا اتقارىلعان ەڭبەگىمىزدىڭ جەمىسى. وڭىردە گازدى قاجەت ەتەتىن 323 ەلدىمەكەننىڭ 128ءى تابيعي وتىنعا قول جەتكىزدى. ال اۋداننىڭ 95،2% تۇرعىندارى كوگىلدىر وتىن يگىلىگىن كورۋدە. جىل سوڭىنا دەيىن بۇل كورسەتكىشتى 97% دەيىن جەتكىزەمىز، ودان وزگە «جقجك» باعدارلاماسى اياسىندا بيىل 1 ملرد. تەڭگەگە جۋىق 13 ينفراقۇرىلىمدىق جوبا ىسكە اسىرۋ كوزدەلگەن”،-دەپ اتاپ ءوتتى وڭداسىن ورازالين. 
وبلىس اكىمى تەمىر اۋدانىندا بولدى. شۇبارقۇدىق كەنتىندە 60 ورىندىق ينتەرناتىمەن سالىنعان 320 ورىندىق مەكتەپتىڭ اشىلۋىنا قاتىستى. جاڭادان بوي كوتەرگەن 3 قاباتتى ءبىلىم وشاعىنىڭ ارقاسىندا اۋدان ورتالىعىنداعى 3 اۋىسىمدىلىق ماسەلەسى شەشىمىن تاپتى. 
“كەلەر جىلى ەل تاۋەلسىزدىگىنە – 30 جىل تولادى. مەملەكەت باسشىسىنىڭ ىقپالىمەن ەلىمىزدىڭ ەكونوميكاسى وركەندەپ، حالىقتىڭ الەۋمەتتىك جاعدايى جاقساردى. وسىعان وراي ەلىمىزدە جۇزدەگەن ءبىلىم نىساندارى سالىنىپ، پايدالانۋعا بەرىلۋدە. 
اعىمداعى جىلى وبلىستا 5875 ورىنعا ارنالعان 20 مەكتەپ قۇرىلىسى جۇرگىزىلۋدە. اتالعان ماقساتقا 6،4 ملرد. تەڭگە ءبولىندى.
سونىمەن قاتار، «جۇمىسپەن قامتۋدىڭ جول كارتاسى» باعدارلاماسى اياسىندا وبلىستا 4،7 ملرد.تەڭگەگە 56 ءبىلىم بەرۋ ۇيىمىنا كۇردەلى جانە اعىمداعى جوندەۋ جۇمىستارى جۇرگىزىلۋدە”،- دەدى ءوڭىر باسشىسى. وڭداسىن ورازالين زاماناۋي ۇلگىدە بوي كوتەرگەن مەكتەپ- ينتەرناتتىڭ عيماراتىن ارالاپ،سپورت زال، جاتىن بولمەلەر مەن سىنىپتاردىڭ ساپاسىن قارادى. قۇرىلىسى 2018 جىلى باستالعان نىسانعا 1،2 ملرد تگ قارجى قارالعان. اۋدان بويىنشا 7 مىڭنان استام وقۋشى، 25 مەكتەپ بار.
وبلىس اكىمى دوسشان يشان كەسەنەسى ماڭىندا جۇرگىزىلىپ جاتقان قۇرىلىس قارقىنىن قارادى. مۇندا بيىل وبلىس اكىمىنىڭ باستاماسىمەن “رۋحاني جاڭعىرۋ” باعدارلاماسى اياسىندا اشىق اسپان استىنداعى مۋزەي سالۋ جۇمىستارى باستالعان. رەسپۋبليكا قورعاۋىنا الىنعان تاريحي- مادەني نىسان جوندەۋى 2021ج اياقتالادى. 
ايماق باسشىسىنىڭ جۇمىس ساپارى مۇعالجار اۋدانىندا جالعاستى. وبلىس اكىمىنە ءساعاشيلى اۋىلىندا جۇرگىزىلگەن جول جوندەۋ جۇمىستارى تانىستىرىلدى. بيىل “جقجك” باعدارلاماسىمەن جالپى قۇنى 184 ملن تگ قۇنانبايەۆ، ءبايىشوۆ، جۇبانوۆ، مولداعۇلوۆا، جەڭىس كوشەلەرى اسفالتتالعان، جانە وعان جەرگىلىكتى 30 عا جۋىق ازامات جۇمىسقا تارتىلعان. 2021 جىلى مومىش ۇلى، ايتەكە بي كوشەلەرىن اسفالتتاۋ جوسپاردا.
وڭداسىن ورازالين ءۇزىندىعى 215 كم قۇرايتىن “اقتوبە-اتىراۋ” رف شەكاراسى(استراحانعا) رەسپۋبليكالىق ماڭىزى بار جولدىڭ 100-300 كم اۋماعىندا جۇرگىزىلىپ جاتقان قايتا جاڭعىرتۋ جۇمىسىن قارادى. ونىڭ ىشىندە ۇزىندىعى 89 كم بولاتىن “اقتوبە-قاندىعاش” جولىن قايتا جاڭعىرتۋ جۇمىستارى 2021 جىلدىڭ كوكتەمىندە باستالادى. قازىرگى تاڭدا جوبانى جۇزەگە اسىرۋ ءۇشىن مەردىگەر مەكەمەلەر انىقتالىپ، دايىندىق جۇمىستارى باستالىپ كەتتى.
ءوڭىر باسشىسى قاندىاعاش قالاسىندا ىسكە اسىرىلعان اۋلالاردى اباتتاندىرۋ، اۆتوموبيل جولدارىنا جۇرگىزىلگەن كۇردەلى جوندەۋ جۇمىستارىمەن تانىسىپ، جيھاز وندىرەتىن “ايتىمبەتوۆ” سەحىندا بولدى. 2020 جىلى «قاراپايىم زاتتار ەكونوميكاسى» باعدارلاماسى اياسىندا قۇنى 20 ملن.تگ 
ىسكە قوسىلعان شاعىن سەح جىلىنا 350 بىرلىك كەڭسەلىك جانە ءۇي جيھازدارىن شىعارۋعا قاۋقارلى. ناتيجەسىندە 10 جاڭا جۇمىس ورنى اشىلدى.
وڭداسىن ورازالين العا، تەمىر، مۇعالجار اۋداندارىنىڭ اكىمدەرىنە مەملەكەتتىك باعدارلامالاردى ءتيىمدى پايدالانا وتىرىپ، ينفروقۇرىلىمدى دامىتۋدى، جۇمىس ورىندارىنىڭ سانىن ارتتىرۋ قاجەتتىگىن تاپسىردى.
پىكىر قالدىرۋ