قىتايدىڭ شانحاي پۋدۋن اۋەجايى قىزمەتكەرىنىڭ ءبىرى كوروناۆيرۋسپەن اۋىراتىنى انىقتالعاننان كەيىن اۋەجايدا شۋ شىقتى، دەپ حابارلايدى Qamshy.kz اقپارات اگەنتتىگى Daily Mail-گە سىلتەمە جاساپ.
شانحاي پۋدۋن اۋەجايىنىڭ بارلىق قىزمەتكەرى مەن 14 مىڭ جولاۋشى تەست تاپسىرادى.
اۋەجاي قىزمەتكەرلەرى مەن جولاۋشىلار اۋەجايدان شىعا الماي وتىر. اۋەجاي ەسىكتەرى جابىلدى. اۋە رەيستەرى توقتاتىلدى. ادامدار اۋەجايدان شىعا الماعاننان كەيىن اۋەجايدا ناعىز حاوس باستالدى. جولاۋشىلار قاشۋعا تىرىسقانىمەن قىزمەتكەرلەر ولاردى قايتا اۋەجايعا اكەلىپ جاتتى.
شانحايدا جۇما كۇنى 39 جاستاعى ەر ادام مەن ونىڭ 34 جاستاعى ايەلى كوروناۆيرۋسپەن اۋىراتىنى انىقتالعان.
ۇلتتىق دەنساۋلىق ساقتاۋ كوميتەتى سەنبىدە 17 ادام اۋرۋعا شالدىققانىن جانە بۇل كورسەتكىش جۇمامەن سالىستىرعاندا كوپ ەكەنىن ايتتى.
سينگحۋا اگەنتتىگىنىڭ حابارلاۋىنشا، پۋدۋن اۋەجايىندا ينسپەكتور بولىپ قىزمەت اتقاراتىن ەر ادام مەن ونىڭ ايەلى كوروناۆيرۋسپەن اۋىراتىنى انىقتالعاننان كەيىن اتالمىش ينفەكسيانى جۇقتىرعاندار سانى كۇرت وسكەن.
پىكىر قالدىرۋ