«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك قاراعاندى وبلىسىنا جۇمىس ساپارى بارىسىندا جەزقازعان قالاسى مەن ۇلىتاۋ اۋدانىنا باردى.
جەزقازعان قالاسىندا باۋىرجان بايبەك «Kazakhmys Smelting» مىس قورىتۋ زاۋىتىنىڭ قىزمەتكەرلەرىمەن كەزدەستى. ول مۇندا وندىرىستە ەڭبەك قۇقىعىنىڭ ساقتالۋى، جاڭا جۇمىس ورىندارىن اشۋ، جالپى قالانىڭ دامۋى تۋرالى ماسەلەلەردى تالقىلاپ، وي ءبولىستى.
فيليال باسشىلىعىنىڭ ايتۋىنشا، پاندەميا جاعدايىندا ءوڭىر ەكونوميكاسى قالىپتى كۇيدە ۇستالىپ، قىزمەتكەرلەردىڭ جاپپاي جۇمىستان بوساتىلۋىنا، جاستار جۇمىسسىزدىعىنىڭ وسۋىنە جول بەرىلمەگەن. ايتسە دە، COVID-19-عا بايلانىستى احۋال ەڭبەك نارىعىنا ءوز اسەرىن تيگىزبەي قويمادى. تۋريزم، مادەنيەت، سپورت، قوعامدىق تاماقتانۋ، كولىك جانە تاعى باسقا سالالار زارداپ شەكتى.
«جاڭا سىن-قاتەرلەردى ەسكەرە وتىرىپ، «Nur Otan» پارتياسى ەڭبەك نارىعىنىڭ سۇرانىسىن ەسكەرە كەلە، جاڭا تۇراقتى جۇمىس ورىندارىن اشۋ، كادرلاردى قايتا دايارلاۋ بويىنشا كەشەندى شارالاردى قولعا الادى. بۇل رەتتە وتاندىق وندىرۋشىلەرگە قولداۋ كورسەتۋگە، باسەكەگە قابىلەتتى جانە يمپورتتى الماستىراتىن ونىمدەر شىعاراتىن جاڭا ءوندىرىس ورىندارىن اشۋعا باسىمدىق بەرىلەدى. بۇل مىندەتتەر ءبىزدىڭ جەزقازعان قالاسى بويىنشا قالالىق سايلاۋالدى باعدارلامامىزدا قامتىلعان. ول قاراشا ايىندا حالىقپەن كەڭىنەن تالقىلاۋ نەگىزىندە قابىلدانعان بولاتىن»، - دەدى باۋىرجان بايبەك.
بيلەۋشى پارتيا ءتوراعاسىنىڭ ءبىرىنشى ورىنباسارى سول كۇنى جاڭا ءمودۋلدى ينفەكسيالىق كلينيكادا قالانىڭ مەديسينا قىزمەتكەرلەرىمەن دە كەزدەستى.
«دەنساۋلىق ساقتاۋ سالاسىنداعى تۇيتكىلدى ماسەلەلەردى تىڭدادىم. ولاردىڭ باسىم بولىگى وڭىرلىك سايلاۋالدى باعدارلامانى ىسكە اسىرۋ اياسىندا ءوز شەشىمىن تابادى. بۇلاردىڭ قاتارىندا قالالىق كوپ بەيىندى اۋرۋحاناعا كۇردەلى جوندەۋ جۇرگىزۋ، جاس دارىگەرلەرگە ارنالعان جاتاقحانا جانە باسقا ماسەلەلەر بار»،- دەپ جازدى ول Facebook جەلىسىندەگى پاراقشاسىندا.
بۇدان كەيىن باۋىرجان بايبەك ءوڭىردىڭ جاس بەلسەندىلەرىمەن ارنايى كەزدەسۋ وتكىزدى. ونىڭ ايتۋىنشا، بۇل جاستاردىڭ كوپشىلىگى «Nur Otan»-نىڭ وڭىرلىك پرايمەريزىندە جەڭىمپاز بولىپ، قالالىق ءماسليحات سايلاۋىنا ارنالعان پارتيالىق تىزىمگە ەنگەن. جالپى، جەزقازعان بويىنشا پارتيالىق ءتىزىم 60%-كە جاڭارسا، ونداعى جاستاردىڭ ۇلەس سانى 0-دەن 23%-كە ءوستى.
وڭىرگە ساپار بارىسىندا «Nur Otan» پارتياسى ءتوراعاسىنىڭ ءبىرىنشى ورىنباسارى ۇلىتاۋ اۋدانىنا دا ات باسىن بۇردى.
«ەلباسى، پارتيا ليدەرى ن.ءا. نازاربايەۆ ەرەكشە اتاپ كورسەتكەندەي، ۇلىتاۋ – قازاق حالقىنىڭ قاسيەتتى ءوڭىرى. سوندىقتان تاريحي مۇرانى ساقتاۋ جانە ەلىمىزدىڭ اۋماعى جاعىنان ەڭ ءىرى اۋدانىن ارى قاراي دامىتۋ الداعى 5 جىلعا ارنالعان پارتيالىق مىندەتتەردە كورىنىس تاپقان»،- دەدى ول.
باۋىرجان بايبەك جەلىدەگى جازباسىندا مەملەكەت باسشىسى ق.ك.توقايەۆتىڭ وڭىرگە جاساعان ساپارلارىنىڭ بىرىندە «ۇلىتاۋ – حالىقارالىق دەڭگەيدەگى ەتنوگرافيالىق ءتۋريزمنىڭ ورتالىعى بولۋى ءتيىس»، - دەگەن تاپسىرماسىن تىلگە تيەك ەتتى.
«بۇگىندە مۇندا ءبىرقاتار جاڭا نىساندار بوي كوتەرىپ، ۆيزيت-ورتالىق پەن ستاديون سالىنعان، بىرنەشە ساياباق پەن اللەيا اباتتاندىرىلعان. ولكەتانۋ مۋزەيىنىڭ، يپپودروم مەن قوناق ۇيلەر قۇرىلىسى ءجۇرىپ جاتىر. سونىمەن بىرگە، ەلىمىزدىڭ ورتا عاسىرلىق ارحيتەكتۋرالىق ەسكەرتكىشتەرىنىڭ ءبىرى – جوشى حان كەسەنەسىنىڭ رەكونسترۋكسياسىمەن تانىستىم. التىن وردانىڭ 750 جىلدىعى اياسىندا تاريحي-مادەني كەشەننىڭ قۇرىلىسى جۇرگىزىلۋدە. ونى كەلەسى جىلدىڭ جەلتوقسان ايىندا اشۋ جوسپارلانىپ وتىر. بۇل كەشەن دە تۋريستەردى قىزىقتىراتىن تاعى ءبىر عاجايىپ ورىنعا اينالاتىنىنا سەنىمدىمىن»،- دەپ تۇيىندەدى ول ءوز جازباسىن.
پوسموترەت ەتۋ پۋبليكاسيۋ ۆ Instagram
پىكىر قالدىرۋ