نۇر-سۇلتاندا ءمايىتى تابىلعان سىمباتتىڭ ولىمىنەن كەيىن پەتيسيا جاريالاندى

/image/2020/12/13/080631634500.jpg

نە ءمولچي-دىڭ Facebook پاراقشاسىندا سىمبات قۇلجاعاروۆانىڭ ولىمىنەن كەيىن قازاقستان پرەزيدەنتى مەن رەسپۋبليكا پارلامەنتىنە ارنالعان "قازاقستان ايەلدەرىنە قاتىستى زورلىق-زومبىلىقتى توقتاتايىق" اتتى پەتيسيا جاريالاندى.

سىمبات قۇلجاعاروۆا جەلتوقساننىڭ 9-ىنان 10-نا قاراعان ءتۇنى بيىكتەن قۇلاپ قايتىس بولعان. تەكسەرۋ بارىسىندا ونىڭ حات قالدىرعانى انىقتالعان. وندا سىمبات ءوز ولىمىنە ەشكىمدى كىنالامايتىنىن جازعان. الايدا ونىڭ تۋىستارى سىمباتتىڭ سۋيسيد جاساعانىنا سەنبەيدى. ولار ءىستىڭ ءمان-جايىن تەكسەرۋدى تالاپ ەتىپ وتىر. سىمبات بۇعان دەيىن الەۋمەتتىك جەلىدە كۇيەۋى ونى ءجيى سوققىعا جىعاتىنىن ايتىپ  حالىقتان كومەك سۇراعان. ول پسيحيكالىق اۋرۋعا شالدىققان ناۋقاس رەتىندە اۋرۋحاناعا جاتقىزىلعان. الايدا ونىڭ دوستارى سىمباتتىڭ ساۋ بولعانىن ايتادى.

نە ءمولچي-دىڭ Facebook پاراقشاسىنداعى پەتيسيا اۆتورلارى تۇرمىستىق زورلىق-زومبىلىق تۋرالى زاڭعا وزگەرىس ەنگىزۋدى تالاپ ەتىپ وتىر. پەتيسيا اۆتورلارىنىڭ ايتۋىنشا، قولدانىستاعى زاڭ ايەلدەردىڭ ومىرىنە ءقاۋىپ توندىرەدى.

پەتيسياعا 22000 ادام  قول قويعان.

سىمبات قۇلجاعاروۆا اقتاۋدا دۇنيەگە كەلگەن. الماتىدا KIMEPء-تى ءبىتىرىپ وقۋىن LSC-دە (London school of commerce) جالعاستىرعان. 2013 جىلى لوندوندا سۇلۋلىق بايقاۋىن قاتىسىپ، جەڭىسكە جەتكەن. سىمبات سۋرەت سالۋ مەن بيلەگەندى جاقسى كورەتىن.

قاتىستى تەگتەر :

پىكىر قالدىرۋ

قاتىستى ماقالالار