بۇگىن "Qazaqstan" ۇلتتىق تەلەارناسىندا پارلامەنت ءماجىلىسى سايلاۋىنا قاتىسۋشى پارتيالار اراسىندا وتكەن تەلەدەباتتا Nur Otan پارتياسىنىڭ وكىلى ايدوس سارىم "اۋىل" پارتياسىنىڭ وكىلى داۋلەتكەرەي كاپ ۇلىنىڭ "Nur Otan پارتياسى 20 جىلدا ۇلتتىق قۇندىلىقتار جونىندە ءبىر زاڭ جوباسىن بەرمەگەن ەكەن. وسىنى قالاي تۇسىندىرەسىزدەر؟" دەگەن سۇراعىنا جاۋاپ بەردى.
– مەن سىزبەن كەلىسپەيمىن. وسى كەزگە دەيىن قابىلدانعان زاڭدار مەن اتقارىلعان باعدارلامار باسىم كوپشىلىگى Nur Otan-نىڭ دەپۋتاتتارى بولعاندىقتان ونى Nur Otan پارتياسىنىڭ ءىسى جانە جوباسى دەپ ايتۋعا بولادى. اينالىپ كەلگەندە رۋحانيات دەگەنىمىز مەملەكەتتىك باعدارلاما نەمەسە بيۋدجەت ەمەس. ءبىزدىڭ پارتيانىڭ باعدارلاماسى ناقتى ەسەپتەلگەن. ءبىز الدىمەن ەكونوميكانىڭ جاعدايىن جاقسى تۇسىنەمىز، سوندىقتان ناقتى ۇسىنىس ايتامىز. وسى كەزگە دەيىن 20 جىلدىڭ ىشىندە "مادەني مۇرا" دەگەن باعدارلاما بولدى. سول ارقىلى باعالى جادىگەرلەردى ەلگە الىپ كەلدىك، – دەدى ايدوس سارىم.
پىكىر قالدىرۋ