«Nur Otan» پارتياسى سايلاۋالدى باعدارلاما جاساعان كەزدە، ەلىمىزدىڭ ءال-اۋقاتىن، تۇرمىس جاعدايىنا، باستى قۇندىلىقتارى مەن ەكونوميكالىق جانە يننوۆاسيالىق دامۋىنا قاراي جاساقتالدى. بارلىق سالانى دامۋى باعىتتارى قاراستىرىلعانى ۇگىت-ناسيحات بارىسىندا سايلاۋشىلارعا باياندالىپ جەتكىزىلۋدە. پارتيا اتىنان سارالانعان كانديداتتار سايلاۋالدى باعدارلامانى حالىق اراسىندا جان-جاقتى جەتكىزىپ، پارتيا جاقتاۋشىلارىن سانىن ارتىرىپ، داۋىس بەرۋگە شاقىرىپ ءجۇر. سونداي كەزدەسۋلەردىڭ ءبىرى بۇگىن اۋداندىق اجەلەر القاسىنىڭ وكىلدەرىمەن ءوتتى.

كەزدەسۋگە سارىاعاش اۋداندىق ءماسليحات دەپۋتاتتىعىنا ۇمىتكەرلەر گ.يزباساروۆا مەن ج.ۋاليحانوۆا «Nur Otan» پارتياسى اتىنان قاتىسىپ، ۇگىت-ناسيحات بارىسىندا وتباسى باقۋاتتىلىعى جايلى تارماقتارىنا توقتالدى.

وتباسى – پارتيامىزدىڭ باستى قۇندىلىقتارىنىڭ ءبىرى. وتباسىن قولداۋ جانە نىعايتۋ – ەلىمىزدىڭ تابىستى دامۋىنىڭ كەپىلى. ۇرپاقتار ساباقتاستىعى، ۇلكەنگە قۇرمەت، كىشىگە ىزەت، بالالارعا قامقورلىق، ءوزارا قولداۋ جاساۋ ءداستۇرى، ەڭبەكسۇيگىشتىك پەن بىلىمگە قۇشتارلىق سەكىلدى قۇندىلىقتار وتباسىندا قالىپتاسادى. پارتيا وتباسىلاردى قولداۋعا باعىتتالعان الەۋمەتتىك تولەمدەر مەن مەملەكەتتىك جاردەماقىلار بويىنشا بارلىق مىندەتتەمەلەردىڭ مۇلتىكسىز ورىندالۋىن قامتاماسىز ەتەدى. قازاقستاندىق وتباسىلاردىڭ (كوپبالالى، تولىق ەمەس، ەرەكشە قاجەتتىلىكتەرى بار بالالاردى تاربيەلەپ وتىرعان) ەكونوميكالىق مۇمكىندىكتەرىن كەڭەيتۋ ماقساتىندا الەۋمەتتىك كاسىپكەرلىكتى قولداۋ، وتباسىلىق جۇمىسپەن قامتۋدى دامىتۋ بويىنشا شارالار قابىلدانادى. ازاماتتاردى الەۋمەتتىك قولداۋدىڭ بارلىق شارالارىنىڭ اشىقتىعى مەن ايقىندىعىن قامتاماسىز ەتۋ ءۇشىن ءبىرىڭعاي الەۋمەتتىك كودەكس ازىرلەنەدى. اۋىلدىق جەرلەردە جالدامالى تۇرعىن ءۇي سالۋعا ىنتالاندىرادى. وتباسى ينستيتۋتىن نىعايتۋ بويىنشا: ومىرلىك قيىن جاعدايعا تاپ بولعان وتباسىلارعا كومەك كورسەتۋ بويىنشا «باقىتتى وتباسى» پارتيالىق جوباسىن ىسكە اسىرۋ جالعاسادى. ۇرپاق ءوربىتۋ بويىنشا دەنساۋلىعىندا دەرتى بار وتباسىلارعا ەكستراكورپورالدى ۇرىقتاندىرۋ (ەكۇ) شاراسىن جۇرگىزۋگە جىل سايىن 7 مىڭ كۆوتا بولىنەدى.

ءبىز مەكتەپتىڭ دە، اتا-انالاردىڭ دا بالالار تاربيەسى ءۇشىن جاۋاپكەرشىلىگىن كۇشەيتۋگە سەرپىن بەرەتىن مەكتەپ پەن اتا-انالاردىڭ ءوزارا ءىسقيمىلىنىڭ جاڭا فورماتىنا وتەمىز. ءاربىر قالادا جانە اۋداندا وتباسىن قولداۋ، وتباسىلىق داۋلاردى شەشۋ جانە بالالارى بار ايەلدەرگە ۋاقىتشا مەكەنجاي بەرۋ ورتالىقتارى اشىلادى. «تۇرمىستىق زورلىق-زومبىلىققا قارسى ءىس-قيمىل تۋرالى» زاڭ قابىلدانىپ، وتباسىلىق سوتتار قۇرىلادى.

ەلدىڭ قوعامدىق-ساياسي ومىرىندە ايەلدەردىڭ ءرولىن ارتتىرۋ، ولاردىڭ قابىلەتتەرىن ىسكە اسىرۋ ءۇشىن تەڭ مۇمكىندىكتەر جاساۋ – ءبىزدىڭ ساياساتىمىزدىڭ باسىمدىقتارىنىڭ ءبىرى. ايەلدەردى وكىلدىك ەتۋشى ورگاندارعا ۇسىنۋ ءۇشىن Nur Otan ءوزىنىڭ پارتيالىق قاتارىنا كەم دەگەندە 30% ايەلدەردى قوسادى. اتقارۋشى، وكىلدى، سوت ورگاندارى باسشىلىعىنداعى جانە كۆازيمەملەكەتتىك سەكتورداعى ايەلدەردىڭ ۇلەسى 30%-كە دەيىن ۇلعايادى. ايەلدەر كاسىپكەرلىگىن دامىتۋ، بيزنەستى قولداۋ باعدارلامالارىنىڭ شەڭبەرىندە جەڭىلدىكپەن كرەديتتەر جانە گرانتتار بەرۋ ارقىلى ولاردىڭ ەكونوميكالىق بەلسەندىلىگىن ىنتالاندىرۋ ورتالىقتارى اشىلادى.

وڭىرلەر، قالالار مەن اۋداندار بويىنشا جۇمىسپەن قامتۋ، بازالىق الەۋمەتتىك قىزمەتتەرگە، ءتۇرلى مەملەكەتتىك قولداۋ شارالارىنا قولجەتىمدىلىك شەگىندە گەندەرلىك قاجەتتىلىكتەر مەن سۇرانىستار كارتاسى ازىرلەنەدى.

ايەلدەردىڭ ەڭبەگىن قولدانۋعا تىيىم سالىناتىن جۇمىستار ءتىزىمىن جويۋ ءۇشىن زاڭدارعا وزگەرىستەر ۇسىنىلادى.

«Nur Otan» پارتياسى سارىاعاش اۋداندىق فيليالىنىڭ باسپا ءسوز قىزمەتى.

«Nur Otan» پارتياسىنىڭ تۇركىستان وبلىسى سارىاعاش اۋدانىنىڭ سايلاۋ قورىنىڭ قاراجاتىنان تولەندى