ۇرپاقتار ساباقتاستىعى، ۇلكەنگە قۇرمەت، كىشىگە ىزەت، بالالارعا قامقورلىق، ءوزارا قولداۋ جاساۋ ءداستۇرى، ەڭبەكسۇيگىشتىك پەن بىلىمگە قۇشتارلىق سەكىلدى قۇندىلىقتار وتباسىندا قالىپتاسادى. اعا ۇرپاققا قامقورلىق، ارداگەرلەرگە، زەينەتكەرلەرگە قامقورلىق جاساۋ – «Nur Otan» -نىڭ مىندەتى. ولارعا قولداۋ كورسەتۋ ۇدايى پارتيا نازارىندا.

«ارداگەرلەردى ارداقتايىق» پارتيالىق جوباسى اياسىندا پارتيا مەديسينالىق-الەۋمەتتىك مەكەمەلەردە قارت ادامداردىڭ ءومىر ءسۇرۋ جاعدايىنا مونيتورينگ جۇرگىزۋدى جالعاستىرادى. سونداي-اق ۇلى وتان سوعىسىنىڭ قاتىسۋشىلارى مەن مۇگەدەكتەرىنە، تىل ەڭبەككەرلەرىنە جانە زەينەت جاسىنداعى ادامدارعا جوعارى تەحنولوگيالىق مەديسينالىق كومەك كورسەتۋگە باستاماشىلىق جاسايدى. بۇگىن وسى ماقساتپەن پارتيانىڭ باعىت-باعدارىن بايانداپ، ۇگىت-ناسيحات جۇمىستارىن ءۇشىن «Nur Otan» پارتياسى اتىنان تۇركىستان وبلىستىق ءماسليحات دەپۋتاتتىعىنا ۇمىتكەر الماس ساليموۆ تىل ارداگەرى، 80 جاستاگى سانسىزبايەۆا راحات اپايدىڭ وتباسىندا بولدى.

ا.ساليموۆ، پارتيانىڭ باعىتتارىن بايانداي كەلە، اۋداننىڭ تابىستى دامۋىنىڭ كەپىلى – ورتاق مۇددەلەرىمەن بىرىككەن ازاماتتاردىڭ بەلسەندىلىگى ەكەندىگىن ايتتى. تومەندەگىشە باعىتتارعا توقتالدى. 

بىزگە مەملەكەتتىك ورگاندار مەن اۋدان تۇرعىندارىنىڭ ءوزارا قارىم-قاتىناسىنىڭ مۇلدەم جاڭا سيپاتىن قالىپتاستىرۋ قاجەت. ىنتىماقتاستىقتىڭ باستى قاعيداتتارى اشىقتىق، ەسەپ بەرۋشىلىك جانە جەمقورلىققا قارسى ءىس-قيمىل بولۋى ءتيىس. بۇل ءۇشىن «Nur Otan» پارتياسى: ەلەكتروندىق فورماتتا كورسەتىلەتىن مەملەكەتتىك قىزمەتتەردى 100%-عا جەتكىزۋگە؛ اۋداننىڭ ساۋدا وبەكتىلەرىنىڭ 65 پايىزىن قولما-قول اقشاسىز ەسەپ ايىرىسۋعا كوشۋىنە؛ «Nur Otan» اشىق تالقىلاۋ جانە ايماق تۇرعىندارىنىڭ ماسەلەلەرىن شەشۋ الاڭىنا اينالدىرۋعا؛ ءتورتىنشى دەڭگەيلى بيۋدجەتتى ءبولۋ كەزىندە جەرگىلىكتى قوعامداستىقتىڭ بارىنشا نازارىن اۋدارۋعا؛ اۋدان تۇرعىندارى اراسىندا سىبايلاس جەمقورلىقتىڭ الدىن الۋ جانە ەسكەرتۋ بويىنشا ءىس-شارالاردى وتكىزۋدە ۇكىمەتتىك ەمەس ۇيىمداردىڭ الەۋەتىن ىسكە قوسۋعا؛ قوعامدىق كەڭەستە ايماق دامۋىنىڭ وزەكتى ماسەلەلەرىن قاراۋعا؛ اۋداندىق بيۋدجەتتى قالىپتاستىرۋ كەزىندە جەرگىلىكتى قوعامداستىقتىڭ بارىنشا نازارىن اۋدارۋعا؛ مەملەكەتتىك قىزمەتتەردىڭ ساپاسى مەن قولجەتىمدىلىگىنە پارتيالىق جانە قوعامدىق باقىلاۋدى قامتاماسىز ەتۋگە؛ جەرگىلىكتى ءماسليحاتتىڭ قۇزىرەتىن كۇشەيتۋگە ىقپال ەتەدى. ناتيجەسىندە 2025 جىلعا قاراي «ءبىر تەرەزە» نەگىزىندە كورسەتىلەتىن مەملەكەتتىك قىزمەتتەر 100%-عا، ساۋدا وبەكتىلەرىنىڭ قولما-قول اقشاسىز ەسەپ ايىرىسۋ كورسەتكىشى 65%-عا جەتىپ، مەملەكەتتىك قىزمەتتەردىڭ 94%-ى اۆتوماتتاندىرىلادى.

وسىلاي دەپ پارتيانىڭ سايلاۋالدى باعدارلامانىڭ تارماقتارىن ءجىتى ءتۇسىندىرىپ، الداعى سايلاۋدا بەلسەنە قاتىسۋعا شاقىردى.

«Nur Otan» پارتياسى سارىاعاش اۋداندىق فيليالىنىڭ باسپا ءسوز قىزمەتى.

«Nur Otan» پارتياسىنىڭ تۇركىستان وبلىسى سارىاعاش اۋدانىنىڭ سايلاۋ قورىنىڭ قاراجاتىنان تولەندى.