الماتىدا جول اپاتى بولىپ، ءتورت جەڭىل كولىك جانە مانيپۋلياتور كولىگى زارداپ شەكتى. بۇل تۋرالى zakon.kz سايتى حابارلادى.
جول-كولىك وقيعاسى بەكماحانوۆ كوشەسىنىڭ بويى شىعىس باعىتتا، قاپشاعاي كوپىرىندەگى اينالما جولدا بولعان. الدىمەن Toyota Mark II مەن Toyota Chaser سوقتىعىسقان. ورتادا كەلە جاتقان Mark II جۇرگىزۋشىسى وڭعا قاراي كولىگىن بۇرعاندا ارتىنان Chaser كەلىپ قالعانىن بايقاماعان. سوقتىعىسقان ەكى كولىك ەكى جاققا ۇشقان. مارك II سول جولمەن كەتىپ بارا جاتقان Hyundai Elantra-عا، ال Chaser جول بويىندا تۇرعان Hino مانيپۋلياتورىنا سوعىلادى. تىرەۋ تابانى بار مانيپۋلياتورعا سوعىلعان شەتەلدىك اۆتوكولىك كەيىن سەرپىلىپ، كەتىپ بارا جاتقان BMW 5ء-تى سوققان.
اپات سالدارىنان Toyota Chaser جۇرگىزۋشىسى مەن جولاۋشىسىنىڭ بىرنەشە سۇيەگى سىنعان، ولار اۋرۋحاناعا جاتقىزىلدى.
بارلىق ماشينالار ءبىر باعىتتا كەلە جاتقان.
پىكىر قالدىرۋ