قازاقستاننىڭ بەس وبلىسىندا داۋىلدى ەسكەرتۋ جاريالاندى. بۇل تۋرالى kazgidromet.kz حابارلادى.
8 قاڭتاردا ماڭعىستاۋ وبلىسىنىڭ كەي جەرلەرىندە 15-20 م/س جىلدامدىقپەن جەل سوعادى.
داۋىلدىڭ ىقتيمالدىعى باتىس قازاقستان وبلىسىندا 85-90% قۇرايدى، كەي جەرلەردە تۇمان ءتۇسىپ، قار جاۋادى دەپ كۇتىلۋدە.
وڭتۇستىك-شىعىستا، 15-20 م/س جىلدامدىقپەن جەل سوعادى.
7-9 قاڭتاردا تۇركىستان وبلىسىندا كەي جەرلەردە تۇمان ءتۇسۋى مۇمكىن. 7 قاڭتارعا قاراعان ءتۇنى وبلىستا اياز 25 گرادۋسقا جەتەدى.
7-9 قاڭتاردا تۇندە قاراعاندى وبلىسىندا 37 گرادۋستىق اياز كۇتىلەدى. 6-8 قاڭتاردا جامبىل وبلىسىندا كەي جەرلەردە تۇمان بولۋى مۇمكىن.
پىكىر قالدىرۋ