اقمولا وبلىسىندا جولدا قالعان 40-تان استام ادام ەۆاكۋاسيالاندى. بۇل تۋرالى قازاقپارات سايتى حابارلادى.

اقمولا وبلىستىق توتەنشە جاعداي دەپارتامەنتىنىڭ مالىمەتىنشە، استراحان اۋدانىنىڭ قۇتقارۋشىلارىنا "ەكاتەرينبۋرگ-الماتى" رەسپۋبليكالىق ماڭىزى بار اۆتوموبيل جولىندا اۆتوبۋس جولدا قالدى دەگەن حابارلاما تۇسكەن.

– ايتىلعان جەرگە جەتكەن قۇتقارۋشىلار مەن جەرگىلىكتى اتقارۋشى ورگان قىزمەتكەرلەرى اۆتوبۋستا بولعان 43 جولاۋشىنى (ونىڭ 8 بالا) ەۆاكۋاسيالاپ، نوۆوچەركاسك اۋىلىنداعى جىلىتۋ پۋنكتىنە ورنالاستىردى. جولاۋشىلار مەديسينالىق كومەككە جۇگىنگەن جوق، – دەلىنگەن دەپارتامەنت حابارلاماسىندا.

قىس ايلارىندا اقمولا وبلىسىندا رەسپۋبليكالىق جانە جەرگىلىكتى اۆتوكولىك جولدارىنىڭ ءقاۋىپتى ۋچاسكەلەرىندە 257 جىلىتۋ پۋنكتى جۇمىس ىستەيدى.

اقمولا وبلىسىندا ءبىر اپتادان استام ۋاقىت بويى اۋا تەمپەراتۋراسى مينۋس 37 گرادۋس ايازدى كورسەتىپ تۇر. وسىعان بايلانىستى 7 قاڭتاردان باستاپ، قوعامدىق جانە ديزەل وتىنىمەن جۇرەتىن كولىكتەردىڭ جولعا شىعۋىنا تىيىم سالىنعان.