بۇگىن ءماجىلىس سپيكەرى نۇرلان ءنىعماتۋليننىڭ توراعالىعىمەن وتكەن جالپى وتىرىستا دەپۋتاتتار ەاەو شەڭبەرىندە اۋىل شارۋاشىلىعى جانۋارلارىمەن سەلەكسيالىق-اسىل تۇقىمدىق جۇمىس جۇرگىزۋدى بىرىزدەندىرۋگە باعىتتالعان شارالار تۋرالى كەلىسىمدى راتيفيكاسيالاۋ تۋرالى زاڭ جوباسىن ماقۇلدادى.
وتىرىس بارىسىندا دەپۋتاتتار ەاەو اياسىندا اسىل تۇقىمدى مال شارۋاشىلىعىنىڭ ورتاق نارىعىن دامىتۋ جانە بار كەدەرگىلەردى جويۋ ماقساتىندا كەلىسىمدە سەلەكسيالىق-اسىل تۇقىمدىق جۇمىس سالاسىنداعى ءبىرقاتار ءىس-شارالاردى، ونىڭ ىشىندە اسىل تۇقىمدى ونىمگە مولەكۋليارلىق گەنەتيكالىق ساراپتاما جۇرگىزۋدى بىرىزدەندىرۋ كوزدەلگەنىن اتاپ ءوتتى.
سونىمەن قاتار، دەپۋتاتتار جالپى وتىرىستا گەنەتيكالىق ساراپتاما جۇرگىزۋ ءۇشىن رەسپۋبليكادا ءتيىستى ماتەريالدىق-تەحنيكالىق بازا، سونداي-اق، ەلىمىز اسىل تۇقىمدى مالداردى ەاەو-تىڭ قانداي ەلدەرىمەن، قانداي كولەمدە ايىرباستاپ كەلگەنى تۋرالى ماسەلەلەردى قوزعادى.
نۇرلان نىعماتۋلين وسى زاڭ جوباسىن تالقىلاۋ كەزىندە دەپۋتاتتار تاراپىنان رەسەي فەدەراسياسىنان اسىل تۇقىمدى مالداردى اكەلۋ ءۇشىن ءبىرقاتار كەدەرگىلەر ورىن الاتىنىن تۋرالى پىكىرلەر ايتىلعانىن، ال وسى راتيفيكاسيانى قابىلداپ، وعان مەملەكەت باسشىسى قول قويعاننان كەيىن ول تمد ەلدەرىنەن اسىل تۇقىمدى مالداردى كەدەرگىسىز الىپ كەلۋگە جول اشاتىن اتاپ ءوتتى.
پالاتا ءتوراعاسىنىڭ ايتۋىنشا، وسى ماسەلەنى ءماجىلىس زاڭ جاعىنان قامتاماسىز ەتىپ وتىر، ال جاۋاپتى مينيسترلىك باسقا مەملەكەتتىك ورگاندارمەن بىرلەسىپ، ۇيىمداستىرۋ شارالارىن جاساۋى قاجەت.
نۇرلان ءنىعماتۋليننىڭ پىكىرىنشە، بۇل اۋىلشارۋاشىلىعى سالاسىندا جۇمىس ىستەيتىن كاسىپكەرلەرگە كومەك بولادى.
پىكىر قالدىرۋ