الەمدەگى ەڭ باي ەكى ادام عارىشقا تالاسۋدا. ولار جاساندى سەرىك فلوتتارى ماسەلەسىن اقش رەتتەۋشىلەرىنىڭ الدىندا شەشىپ جاتىر.
جاقىندا عانا عالامشارداعى ەڭ باي ادام بولعان يلون ماسكتىڭ SpaceX كومپانياسى Starlink بايلانىس سپۋتنيكتەرىن العاشقى وربيتادا جوسپارلاعاننان گورى تومەن وربيتادا باسقارۋعا اقش فەدەرالدىق بايلانىس كوميسسياسىنان رۇقسات سۇرادى.
ال يلون ماسكقا دەيىن الەمدەگى ەڭ داۋلەتتى ادام بولعان دجەفف بەزوستىڭ Amazon كومپانياسىنىڭ حابارلاۋىنشا، بۇل بەزوستىڭ بولاشاققا جوسپارلانعان Kuiper جەر سەرىكتەرىنە كەدەرگى جانە سوقتىعىسۋ ءقاۋپىن تۋدىرادى.
ادەتتە نورماتيۆتىك قۇجاتتارمەن شەكتەلەتىن داۋ بۇل جولى كوپشىلىكتىڭ كوزىنە ءتۇسىپ، ميللياردەرلەر عارىشتاعى ارماندارى ءۇشىن باسەكەگە تۇسۋدە.
"SpaceX ۇسىنعان وزگەرتۋلەر جاساندى سەرىكتىك جۇيەلەر اراسىنداعى باسەكەلەستىكتى بۇزادى" دەلىنگەن Amazon كومپانياسىنىڭ رەسمي تۆيتتەر پاراقشاسىندا.
"باسەكەلەستىكتى مۇمكىندىگىنشە باسەڭدەتۋ SpaceXء-تىڭ مۇددەسىنە ساي. ءبىراق بۇل ارينە، كوپشىلىكتىڭ مۇددەسىنە سايكەس كەلمەيدى" دەدى دجەفف بەزوستىڭ كومپانياسى الەۋمەتتىك جەلىدە.
پىكىر قالدىرۋ