سانيتاريالىق-ەپيدەميولوگيالىق باقىلاۋ دەپارتامەنتىنىڭ باسشىسى، الماتى قالاسىنىڭ باس سانيتار دارىگەرى جانداربەك بەكشين ونلاين بريفينگ بارىسىندا جاڭا شەكتەۋلەر بويىنشا قۇجات دايىنداپ جاتقانىن حابارلادى.
بەكشيننەن الماتى قالاسى "قىزىل ايماققا" ەنۋىنە بايلانىستى قالادا قانداي شەكتەۋلەر ەنگىزىلەتىنىن سۇرادى.
– بريفينگتەن كەيىن بارىپ، وسى شارۋانى ءبىرجاقتى ەتىپ، ەرتەڭ ءبىز ەنگىزەتىن جاڭا شەكتەۋ شارالارى تۋرالى ايتىپ بەرەمىز، – دەدى بەكشين.
الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنبايەۆ قالاداعى ەپيدەميولوگيالىق جاعداي الاڭداتىپ وتىرعانىن ايتتى.
– الماتى "قىزىل" ايماققا ەندى. Covid-19 ستاتيستيكاسى ءسوزسىز الاڭداۋشىلىق تۋدىرادى. جۇقتىرعاندار سانىنىڭ كۇندەلىكتى سانى 130 ادامنان تومەن ەمەس. بىرىنشىدەن، ءبىز بۇل كورسەتكىشتەردى ۆيرۋستىق ينفەكسيالاردىڭ ماۋسىمدىق شىڭىمەن بايلانىستىرامىز. ءار ءتۇرلى سەنارييلەردىڭ، سونىڭ ىشىندە جاعىمسىز جاعدايلاردىڭ دامۋىنا قاراماستان، قالانىڭ دەنساۋلىق ساقتاۋ جۇيەسى كوروناۆيرۋسپەن كۇرەسۋگە دايىن، – دەدى ول.
پىكىر قالدىرۋ