ساراپشى ۆاشينگتون مەن بەيجىڭنىڭ تايۆان ارالىنداعى شيەلەنىسى ۋشىعىپ، يادرولىق سوعىس ءقاۋپى كۇشەيگەنىن ايتتى. "امەريكا مەن جۇڭگو اراسىنداعى يادرولىق سوعىس قاقتىعىسى ەكى جاقتىڭ دا جويىلۋىنا اكەلەدى" دەپ ەسكەرتتى اقش-تىڭ بۇرىنعى ەلشىسى رۋي سياوسزيان.
ەكس-ەلشى اقش پەن جۇڭگو اراسىنداعى يادرولىق سوعىس قاۋپىنەن ساق بولۋعا شاقىردى. ول بۇل ماسەلەنى ۆاشينگتونداعى ۆۋدروۋ ۆيلسون ساراپتاما ورتالىعىمەن ونلاين رەجيمىندە سويلەسۋ كەزىندە تالقىلادى.
تايۆاندىق ب ا ق United Daily News اقپاراتىنا سايكەس، سياوسزيان اقش مەملەكەتتىك دەپارتامەنتىندە 45 جىل جۇمىس ىستەگەن.
ول اقش-تىڭ سينگاپۋر، جۇڭگو جانە يندونەزياداعى ەلشىسى قىزمەتىن اتقارعان.
1992-1995 جىلدار ارالىعىندا سياوسزيان اقش-تىڭ بەيجىڭدەگى ەلشىسى قىزمەتىن اتقاردى.
بۇرىنعى شەنەۋنىك اقش پەن جۇڭگو اراسىنداعى اۋقىمدى اسكەري قاقتىعىستىڭ سالدارىن "اقش پەن كەڭەس وداعى اراسىنداعى قاقتىعىس سياقتى ەلەستەتۋگە بولمايتىنىن" اتاپ ءوتتى.
ونىڭ ايتۋىنشا، بۇل جانجال "ءوزارا جويىلۋعا" اكەلەدى.
سياودزيان امەريكانىڭ قىرعي-قاباق سوعىس كەزىندە يادرولىق قارسىلاستىقتان قالاي اۋلاق بولۋدى ۇيرەنگەنىن اتاپ ءوتتى.
ءبىراق ول ءقازىر قىرعي-قاباق سوعىستىڭ ساباقتارى قالاي ۇمىتىلعانىن دا مالىمدەدى.
ول ۆاشينگتون مەن بەيجىڭ تايۆانعا قاتىستى داۋلارعا بايلانىستى اسكەري قاقتىعىس بولادى دەپ بولجادى.
بۇعان دەيىن بايدەننىڭ تايۆان بۇعازى ارقىلى وڭتۇستىك جۇڭگو تەڭىزىنە سوعىس كەمەسىن جىبەرگەنى حابارلانعان.
پىكىر قالدىرۋ