باتىستىق ب ا ق جۇڭگو مەن اقش-تىڭ وڭتۇستىك جۇڭگو تەڭىزىندەگى شيەلەنىسى كۇشەيگەنىن حابارلادى. قىتايلىق باسىلىم بەيجىڭ اسكەري كۇشتەرىنىڭ اقش سوعىس كەمەسىن وكشەلەي قۋىپ، داۋلى تەڭىزدەن شىعارعانىن جازدى.
اقپاراتقا سايكەس، اقش پەن جۇڭگو اسكەري كۇشتەرىنىڭ وڭتۇستىك جۇڭگو تەڭىزىندەگى بۇرىن-سوڭدى بولماعان شيەلەنىسى پايدا بولدى. ەكى جاق بىر-بىرىنە بىرنەشە رەت قاتەرلى قوقان-لوقى جاسادى.
پرەزيدەنت دجو بايدەن كەزىندە اقش اسكەري كۇشتەرى ءبىرىنشى رەت داۋلى پاراكەل ارالدارى ماڭىنا سوعىس كەمەسىن جىبەردى.
اقش اسكەري-تەڭىز كۇشتەرىنىڭ 7ء-شى فلوتى "تەڭىزدە ءجۇزۋ ەركىندىگى" وپەراسياسىن جاساعانىن مالىمدەپ، "بۇكىل الەم بويىنشا زاڭسىز تەڭىز تالاپتارىنا قارسى تۇراتىنىن" ايتتى.
جۇڭگو سيشا ارالدارى دەپ اتايتىن پاراكەل ارالدارى جۇڭگو، تايۆان جانە ۆەتنامعا تيەسىلى.
قىتايدىڭ مەملەكەتتىك بۇقارالىق اقپارات قۇرالى Global Times-تىڭ حابارلاۋىنشا، اقش كەمەسىن جۇڭگو ارمياسى قاداعالاپ، داۋلى تەڭىزدەن شىعارىپ جىبەرگەن.
Reuters اگەنتتىگىنىڭ اقپاراتىنا سايكەس، جۇڭگو بۇعان دەيىن وڭتۇستىك جۇڭگو تەڭىزىندەگى داۋلى ارالدار ماڭىندا اقش كۇشتەرىنە قارسى كەلگەن.
30 جەلتوقساندا عانا "USS John S. McCain" جانە "USS Curtin Wilbur" دەپ اتالاتىن ۆاشينگتوننىڭ ەكى سوعىس كەمەسى تايۆان بۇعازىنا جىبەرىلگەن.
وڭتۇستىك جۇڭگو تەڭىزىندەگى باسقا تەرريتوريالاردا مالايزيا، برۋنەي جانە فيليپپين سياقتى ەلدەردىڭ تالاسى بار.
پىكىر قالدىرۋ