ءال-فارابي اتىنداعى قازاق ۇلتتىق ۋنيۆەرسيتەتىنىڭ https://www.kaznu.kz رەكتورى، ت.ع.د.، اكادەميك ع.م. مۇتانوۆ ساپالى ادام كاپيتالى «ءبىلىم قوعامىن» قالىپتاستىرۋدىڭ نەگىزگى فاكتورى ەكەنىن اتاپ ءوتىپ، ول ۇدەرىستە جوعارى وقۋ ورىندارىنىڭ ماڭىزدى ورنىن ايقىنداپ بەردى: «بۇل ۇدەءرىستە جوعارى وقۋ ورىندارىنىڭ الاتىن ورنى ەرەكشە. ۋنيۆەرسيتەتتەر يننوۆاسيالىق ەكونوميكانى دامىتۋدا زور ءرول اتقارادى. وسى ورايدا،
ەلباسىمىز «جاڭا قازاقستاننىڭ ءبىلىم مەن عىلىمىنىڭ فورپوستى» دەپ اتاعان ەلىمىزدىڭ جوعارى وقۋ ورىندارىنىڭ قارا شاڭىراعى – ءال-فارابي اتىنداعى قازاق ۇلتتىق ۋنيۆەرسيتەتى دە ەل مۇراتىنا جەتۋگە قوسار ۇلەستەرىنە ۇلكەن جاۋاپكەرشىلىكپەن قارايدى. ءبىلىم ورداسى عىلىمي ءداستۇر ساباقتاستىعىن ۇزبەي، شىعارماشىلىق ءورىسىن جىلدان-جىلعا كەڭەيتىپ كەلەدى. العا قويىپ وتىرعان الەمدىك دەڭگەيدەگى ماقساتتارى دا اۋقىمدى»، - دەپ كورسەتتى.
قارا شاڭىراققا اينالعان ۇلتتىق ۋنيۆەرسيتەتىمىز ەڭ ءبىرىنشى بولىپ وقۋ جۇيەسىنە كرەديتتىك تەحنولوگيادا ءبىلىم بەرۋدى تولىعىمەن ەنگىزگەنىن ايرىقشا اتاپ وتكەن ءجون. حالىقارالىق ساپاعا لايىق ەتىپ مامانداردى دايىنداۋدا بۇل كوپتەگەن دامىعان ەلدەردە قولدانىلاتىن تەحنولوگيانىڭ ءبىزدىڭ ەلدە، قازۇۋ-دا تولىعىمەن ەنگىزۋ ماسەلەسى كۇردەلى ءۇردىس بولدى. ەڭ باستى ارتىقشىلىعى كرەديتتىك تەحنولوگياعا ساي وقۋ باعدارلامالارىن، ستاندارتتار مەن ينترانەت جۇيەسىن، پەداگوگ-كادرلاردى جاڭاشىلدىققا ۇيرەتۋ ماسەلەلەرى كەشەندى تۇردە تەز ارادا قولعا الىندى.
كيەلى قارا شاڭىراق استىندا عىلىمي-زەرتتەۋ باعىتىندا ماڭىزى بار، اۋقىمدى ءىس-شارالار جۇزەگە اسىرىلىپ جاتىر. وسى ورايدا، حالىقارالىق عىلىمي ينستيتۋتتار مەن ورتالىقتارمەن تىعىز بايلانىس ورناتىپ، تاجىريبە الماسۋ ماسەلەسى قارقىندى دامىپ جاتقانىن ەسكەرگەن ءجون. وقىتۋشىلار مەن ستۋدەنتتەر تاجىريبە الماسۋ ماقساتىندا شەتەلدەرگە بارۋعا، وقۋعا مۇمكىندىكتەر الدى. قازۇۋ قابىرعاسىندا جاڭا جۇيەدەگى عىلىمي-زەرتتەۋ ينستيتۋتتارى مەن ورتالىقتار، بۇگىنگى تالاپقا ساي جابدىقتالعان عىلىمي زەرتحانالار جۇمىسى ىسكە قوسىلدى.
سونىمەن قاتار ۋنيۆەرسيتەت جاستارىنىڭ ءبىلىم الۋ بارىسىندا تەك وتاندىق عالىمدارىمىزدىڭ دارىستەرىن تىڭداتۋمەن عانا شەكتەلمەي، شەتەلدىڭ بەدەلى جوعارى، تانىمال عالىمدارىن ارنايى ءدارىس وقىتۋعا شاقىرىپ، ءجيى تاجىريبە الماستىرۋعا دەن قويىپ وتىر. قازۇۋ تاجىريبە الماسۋ، ىنتىماقتاستىقتى دامىتۋ جانە ستۋدەنتتەر مەن وقىتۋشىلار ۇتقىرلىعىن دامىتىپ، ەكى جاقتى الماسىپ وقىتۋدا، سونىمەن بىرگە زاماناۋي حالىقارالىق ءبىلىم باعدارلامالارى بويىنشا الەمنىڭ ەڭ ءىرى 400-دەن اسا ۋنيۆەرسيتەتىمەن ارىپتەستىك ورناتقان.
بۇل جوعارى وقۋ ورنىنىڭ ءبىلىم مەن عىلىم دامۋىنا قوسىپ وتىرعان ۇلەسىن بەدەلدى حالىقارالىق ۇيىمدار دا اتاپ كورسەتۋدە. ءال-فارابي اتىنداعى قازاق ۇلتتىق ۋنيۆەرسيتەتى QS توپ-ۋنيۆەرسيتەتتەر رەيتينگىسىندە الەمدىك 200 توپ ۋنيۆەرسيتەت اراسىندا 165ء-شى ورىندى يەلەندى. بۇل ساتىنى باعىندىرۋى ءبىزدى ودان ءارى جىگەرلەندىرىپ، قاناتتاندىرادى.
ءال-فارابي اتىنداعى قازاق ۇلتتىق ۋنيۆەرسيتەتى عىلىم، ءبىلىم بەرۋ مەن يننوۆاسيانىڭ ورتالىعى رەتىندە جاڭا تەحنولوگيالار مەن يننوۆاسيالىق ادىس-تاسىلدەردى الداعى ۋاقىتتا دا جوعارى دەڭگەيدە ەنگىزىپ، قالىپتاسقان قازاقستان رەسپۋبليكاسىنىڭ دامۋىنا ايتارلىقتاي وزىندىك ۇلەس قوسىپ، ەڭ ۇزدىك، الەمدىك دەڭگەيدەگى ۋنيۆەرسيتەتتەر قاتارىنان ورىن الاتىنى انىق.
ءال-فارابي اتىنداعى قازاق ۇلتتىق ۋنيۆەرسيتەتى
جوعارى وقۋ ورنىنا دەيىنگى ءبىلىم بەرۋ فاكۋلتەتى
جوعارى وقۋ ورنىنا دەيىنگى دايىندىق كافەدراسىنىڭ
وقىتۋشىلارى يبراگيموۆا م.ن.، مۋجيگوۆا گ.، نۋسۋپبايەۆا س.ا.
پىكىر قالدىرۋ