تەز-تەز. كورەيانىڭ ءوڭتۇستىك بولىگىندە وسىنداي مادەنيەت قالىپتاسقان. بۇعان جۋىردا عانا «سەدجون-ەۆرازيا» حالىقارالىق مەديسينالىقكلينيكاسى ۇيىمداستىرعان باسپا ءسوز تۋرى بارىسىندا كوز جەتتى. مەديسينا ءتۋريزمىن دامىتۋءۇشىن الماتى قالالىق دەنساۋلىق ساقتاۋباسقارماسى ءوڭتۇستىك كورەيانىڭ 4 جەتەكشiكلينيكاسىمەن ىنتىماقتاستىق تۋرالىمەموراندۋمعا قول قويعان. وسى ەكى جاقتى كەلىسىماياسىندا الماتىلىق جۋرناليستەرگە ءوڭتۇستىككورەيانىڭ مەديسيناسىنىڭ جەتىستىكتەرىمەنتانىسۋعا مۇمكىندىك تۋدى. قازاقستان مەن وڭتۇستىككورەيا اراسىندا العاشقى ديپلومايالىق قارىم-قاتىناس 1991 جىلدان باستاۋ الادى. ءقازىر ەكى ەل اراسىندا ساياسي، ەكونوميكالىق، مادەني جانەمەديسينا سالالارىندا ىنتىماقتاستىق كۇشەيگەن.سەدجون گوسپيتالى جۇرەك-قانتامىرلارى ورتالىعى، سەۋل ايەلدەر كلينيكاسى، حانگيل وفتولمولوگيالىق كلينيكاسى جانە ۋريديل ومىرتقا اۋرۋلارى كلينيكاسىنى بارىپ ەمدەلگەن جەرلەستەرىمىزدىڭ سانى جىل سايىن ارتىپ كەلەدى. «سەدجون-ەۆرازييا» حالىقارالىق ماديسينالىق كلينيكاسىنىڭ مالىمەتىنشە، 2015 جىلى 25 مىڭ قازاقستاندىق كورەياعا ەمدەلۋگە بارعان. سونداي-اق سوڭعى بەس جىلدا جاعدايى تومەن وتباسىندا تۇراتىن ناۋقاسى اۋىر 4 بالا قايىرىمدىلىق نەگىزىندە تەگىن ەمدەلگەن.

باۋىرلاس قالالار اراسىنداعى بايلانىس مەديسينا سالاسى قىزمەتكەرلەرىنىڭ بىلىكتىلىگىن ارتتىرۋ ءۇشىن تاجىريبە الماسۋعا جول اشپاق. وسى باعىتتاعى جۇمىستاردى تەرەڭدەتۋ ءۇشىن الداعى ۋاقىتتا الماتىدان سەۋلگە تاجىريبەدەن ءوتۋ ءۇشىن مامانداردى جىبەرۋ جوسپارلانعان. ولار مەديسينادا قولدانىلاتىن زاماناۋي تەحنولوگيالاردى تەرەڭ مەڭگەرىپ، بىلىكتىلىگىن ارتتىرادى.

جالپى، وڭتۇستىك كورەيادا، ءسوز باسىندا ايتقانىمىزداي، تەز-تەز دەگەن ۇستانىم بار. مۇنىڭ ماقساتى – ناۋقاستىڭ دياگنوزىن دەر كەزىندە انىقتاۋ. بۇل، بىرىنشىدەن، ناۋقاس دەرتىنىڭ دەندەپ كەتپەۋىنە سەپ بولادى. ەكىنشىدەن، ەرتە انىقتالعان اۋرۋدى ەمدەۋ وڭايعا تۇسەدى. ول ناۋقاس ءۇشىن عانا ەمەس، دارىگەرلەر ءۇشىن دە ءتيىمدى. ويتكەنى، دەنەگە جايىلماعان دەرتتى اۋىزدىقتاۋ جەڭىل. سوندىقتان سىرقاتتى اۋىزدىقتاۋ ەمنىڭ جارتىسى دەيدى وڭتۇستىك كورەيالىق دارىگەرلەر.

ەندى ەلىمىزبەن سەرىكتەس 4 ورتالىقتىڭ جۇمىسىنا توقتالساق. جۇرەك-قانتامىرلارى ورتالىعى كورەياداعى ەمدەۋ شارالارىن ساپالى، جۇيەلى جۇرگىزەتىن مەكەمە. وندا ءبۇگىندە الەمنىڭ تۇكپىر-تۇكپىرىنەن ەم قابىلداپ جاتقان ادامدار جەتەرلىك. ادام دەنەسىنىڭ پاتشاسى ءجۇرەكتى ەمدەۋدىڭ ەڭ وزىق ۇلگىلەرى حالىقارالىق تاجىريبەلەر قولدانىلىپ، جۇرەككە اشىق وپەراسيا جاسالىنادى.

سەۋل ايەلدەر كلينيكاسىنىڭ 20 جىلدان اسا تاريحى بار. وندا ايەلدەرگە ارنالعان ەمنىڭ بارلىق ءتۇرى قاراستىرىلعان. ورتالىقتا جىلىنا بالا سۇيە الماعان 500 وتباسى قارالادى. كلينيكا كەنگيدو پروۆينسياسىنىڭ باتىس بولىگىندەگى اكۋشەرلىك-گينەكولوگيالىق باعىتتا ەمدەۋ شارالارىن جۇرگىزەتىن جالعىز ورتالىق. كورەيا دەنساۋلىق ساقتاۋ مينيسترلىگىنءىڭ حالىقارالىق مارتەبەسىن العان.

حانگيل وفتالمولوگيالىق كلينيكاسى وڭتۇستىك كورەيانىڭ كوز اۋرۋلارىن ەمدەيتىن ەڭ ۇزدىك ورتالىق. ورتالىققا 2015 جىلى 802 شەتەلدىك ەمدەلۋگە كەلگەن. سونىڭ 25 پايىزى قازاقستاندىقتار. جاڭا تەحنولوگيانىڭ كومەگىمەن ناۋقاس ءبىر كۇندە كلينيكالىق تەكسەرۋدەن ءوتىپ، سول كۇنى ناۋقاستىڭ دياگنوزى قويىلادى.

ۋريديل ومىرتقا اۋرۋلارى كلينيكاسى 34 جىل بۇرىن قۇرىلعان. بۇگىندە ونىڭ الەمنىڭ ءار قيىرىندا 13 فيليالى جۇمىس ىستەيدى. ورتالىقتا جىلىنا 5000 وتا جاسالادى. شەتەلدىك ەمدەلۋشىلەر ءۇشىن تاۋلىك بويى بىلىكتى اۋدارماشىلار قاراستىرىلعان. الماتى قالاسىنان كەلگەن ەمدەلۋشى حۆان نيكولاي ورتالىقتىڭ قىزمەت ساپاسى تۋرالى ايتىپ بەردى.  «قازىرگى مەنىڭ ناۋقاسىممەن ەگدە تارتقان ادامداردىڭ كوبىسى اۋىرادى. جاس ۇلعايعان سايىن ومىرتقا اۋىرىپ، ءوتىرىپ-جۇرۋدىڭ ءوزى قيىندىق تۋدىرادى. ماسساج جاساتتىم، تاعى ءبىرقاتار ەم قابىلداپ، كوپ ۋاقىت جوعالتتىم. العاشىندا رەسەي دارىگەرلەرىنە ەمدەلگىم كەلدى، تەكسەرۋ ناتيجەلەرىن جىبەردىم. ولاردىڭ ماعان قويعان دياگنوزدارى، قارىم-قاتىناستارى ۇنامادى. ودان كەيىن باسقا ەلدەردى قاراستىردىم. ماعان كورەيانىڭ رەابيليتاسياسى قاتتى ۇنادى. ولاردىڭ اسپا سالعاندارى دا بولەك، اسپامەن اۋرۋحانانىڭ ىشىندە قوزعالىپ جۇرە بەرۋگە بولادى. بۇل دەگەنىمىز جاھاندانۋ ءداۋىرىنىڭ جەتىستىگى عوي. اۋەجايدان كۇتىپ الىپ، بارلىق جاعدايدى جاسادى. وسى جەرگە كەلگەنگە دەيىنگى كلينيكالار ومىرتقاڭدا جارىق (گرىجا) بار دەپ شىعارىپ سالعان. مۇندا سەندە جارىق جوق، ستەنوز دەگەن دياگنوز قويدى. ال بۇعان ەشقانداي ماسساج، ءدارى كومەكتەسپەيدى ەكەن. جالعىز جول – تەك وتا جاساۋ. باعاسى دا كوڭىلگە قونىمدى، اسا قىمبات ەمەس. تەكسەرۋ ناتيجەسىندە ماعان ەكى وتا جاساۋ كەرەك بولدى. سول ەكى وتانى ءبىر وتانىڭ باعاسىمەن جاسادى. تۇسىنگەنىم، مەن سياقتى اۋىرعان ادامدار دارىگەرلەر دياگنوزدى دۇرىس قويماعاننان كەيىن سونىڭ زاردابىن تارتىپ ءجۇر».

وڭتۇستىك كورەياداعى مەديسينالىق مەكەمەلەردىڭ 90 پايىزى جەكە كلينيكالار. ءبىراق ولار زاڭ شەڭبەرىندە جۇمىس ىستەيدى جانە تولىقتاي زاماناۋي تەحنولوگيامەن جابدىقتالعان. نارىقتىق قوعامدا ءومىر سۇرەتىن حالقى دا قىزمەت كورسەتۋ ساپاسىنا قاراي وزدەرىنىڭ قالاۋى بويىنشا جەكە كلينيكالاردا ەمدەلۋگە بەيىمدەلگەن. قىزمەت ساپاسى جوعارى، ەمدەۋ باعاسى تومەن بولعاندىقتان ورتالىق ازيانىڭ ءبىرقاتار ەلدەرى وسى ەلدىڭ دارىگەرلەرىنىڭ كومەگىنە جۇگىنەدى.

نۇرلان ناۋرىزالييەۆ «قازاقستان»

ۇلتتىق تەلەارناسىنىڭ ءتىلشىسى