اسكەري قىزمەتكەر شىمكەنتتە قىزدى زورلاقتان قۇتقارىپ قالعان، دەپ حابارلادى zakon.kz.

كەزەكتى ەڭبەك دەمالىسىندا جۇرگەن ۇلتتىق ۇلاننىڭ 6506 اسكەري ءبولىم ساربازى 13 اقپان كۇنى ساعات 00:40 شاماسىندا جىبەك جولى كوشەسىنىڭ بويىندا كەلە جاتىپ، كەنەت قىزدىڭ شىڭعىرعان داۋسىن ەستىگەن. دەرەۋ سول ورىنعا جەتىپ بارعان ول ەكى بىردەي ەر ازاماتتىڭ قىزدى جابىلىپ زورلاعالى جاتقانىن كورگەن. 

ويلانباستان قىزعا اراشا تۇسۋگە ۇمتىلعان وعان الگى ەكەۋى تاپ بەرەدى. دەگەنمەن سارباز بىرەۋىنىڭ قولىن قايىرىپ ۇلگەرەدى، الايدا ەكىنشىسى سول ءساتتى پايدالانىپ قاشىپ كەتكەن. ارتىنشا وقيعا ورنىنا 102 پوليسياسىنىڭ ەكيپاجى شاقىرىلىپ، ۇستالعان ادام ەڭبەكشى اۋداندىق پوليسيا بولىمىنە جەتكىزىلەدى.

– قىزدىڭ داۋىسىن ەستىگەندە مەن دەرەۋ سول جەرگە باردىم. مەنىڭ ورنىمدا بولسا كەز كەلگەن ادام ءدال وسىلاي جاساعان بولار ەدى دەپ ويلايمىن، – دەدى ارتەم كالاشنيكوۆ.

كۇدىكتىلەردى ۇستاۋ بارىسىندا ارتەم قولىن جاراقاتتاپ العان، ءبىراق سوعان قاراماستان ول پوليسيا كەلگەنشە، ەر ادامدى قيمىلداتپاي ۇستاپ تۇرعان. 

بۇل ءىس بويىنشا قىلمىستىق ءىس قوزعالدى، ەكىنشى كۇدىكتىنى ۇستاۋ جوسپارى جاريالاندى، دەپ تولىقتىردى دەپارتامەنت.