ۇكىمەت وتىرىسىندا ق ر ۇلتتىق بانك ءتوراعاسى ەربولات دوسايەۆ 75 مىڭنان استام قازاقستاندىق زەينەتاقى جيناعىنىڭ ءبىر بولىگىن الىپ ۇلگەرگەنىن مالىمدەدى.

– بيىلعى قاڭتاردا اقپاراتتىق جۇيەلەردى ينتەگراسيالاۋعا بايلانىستى دايىندىق جۇمىسى اياقتالعان سوڭ ءبىرىڭعاي جيناقتاۋشى زەينەتاقى قورى ازاماتتاردىڭ زەينەتاقى جيناقتارىنىڭ ءبىر بولىگىن الۋعا ارنالعان وتىنىمدەرىن قابىلداي باستادى. 12 اقپانداعى جاعداي بويىنشا 1 855،9 ملرد تەڭگە سوماسىنا 115 608 ءوتىنىم قابىلداندى. ونىڭ ىشىندە 423،6 ملرد تەڭگە سوماسىنا 78 074 ءوتىنىم وڭدەۋگە قابىلدانىپ، ماقۇلداندى، – دەدى دوسايەۆ. 

دوسايەۆتىڭ سوزىنشە، زەينەتاقىنىڭ ءبىر بولىگىن العانداردىڭ باسىم كوبى قاراجاتتى تۇرعىن ءۇي جاعدايىن جاقسارتۋعا جۇمساعان. 

– ازاماتتار الىنعان جيناقتاردىڭ 87 پايىزىن تۇرعىن ءۇي ماسەلەلەرىن شەشۋگە، ونىڭ 45،5 پايىزىن – تۇرعىن ءۇي ساتىپ الۋعا؛ 28،3 پايىزىن – يپوتەكالىق قارىز بويىنشا بەرەشەكتى وتەۋگە؛ 10،5 پايىزىن ەكىنشى دەڭگەيدەگى بانكتەرگە باستاپقى جارنا ءۇشىن جانە وتباسى بانكىندە يپوتەكا الۋعا؛ 2،3 پايىزىن جەكە تۇرعىن ءۇي قۇرىلىسىن سالۋعا، يپوتەكانى قايتا قارجىلاندىرۋعا، ساتىپ الۋ قۇقىعىمەن جالداۋ شارتى بويىنشا بەرەشەكتى وتەۋگە جانە وزگە دە ماقساتتارعا جۇمساۋعا نيەتتەنەدى، – دەدى ەربولات دوسايەۆ.