ميانمادا اسكەريلەر ۇكىمەتتى تارتىپ العان سوڭ، نارازىلىق ءبىلدىرىپ، شەرۋگە شىققان 38 ادام ولتىرىلگەن.
قاۋىپسىزدىك كۇشتەرى ميانمانىڭ ەڭ ءىرى قالاسى يانگونىڭ اۋداندارىنىڭ بىرىندە قارسىلىق بىلدىرۋشىلەرگە تاياق پەن پىشاق قولدانعان جانە وق جاۋدىرعان.
قىتايلىق كاسىپكەرلەرگە شابۋىل جاسالعاننان كەيىن اسكەري كۇشتەر بۇل ايماقتا اسكەري جاعداي جاريالادى. نارازىلار جۇڭگو بيرما اسكەرىنە قولداۋ كورسەتىپ وتىر دەپ سانايدى.
1 اقپانداعى اسكەري توڭكەرىستەن كەيىن ميانمادا نارازىلىق اكسيالارى جيىلەگەن.
اسكەري بيلەۋشىلەر ەلدىڭ ازاماتتىق كوشباسشىسى جانە دەموكراتيالىق ۇلتتىق ليگا پارتياسىنىڭ جەتەكشىسى اۋن سان سۋ ءچيدى ۇستاعان.
پارتيا وتكەن جىلعى سايلاۋدا ۇلكەن جەڭىسكە جەتتى، ءبىراق اسكەريلەر پارتيا وكىلدەرىن كەڭ كولەمدى "الاياقتىق جاسادى" دەپ ايىپتاعان.
پىكىر قالدىرۋ