ۇلت وكىلدەرىن تانىستىرعان، تابىستىرعان - قاپشاعاي!  الماتى وبلىسىنىڭ ىرگەلى، ءونىمى مولايىپ، كاسىبى وركە دومالاپ كەلە جاتقان شۋاقتى قالانىڭ ءوزىنىڭ ىشىنە بۇققان قانشاما سىرى بار. سۇلۋلانعان شاھار قانشاما جاستىڭ قۋانىشىن كورىپ، ماحاباتىنا كۋا بولسال، سول سەكىلدى قانشاما جانداردى توعىستىرىپ باقىت سىيلاپ كەلەدى. وسىنداي اۋىزبىرلىگى جاراسىم تاپقان، شاڭىراعىنىڭ بەرەكەسى كىرگەن باقىتتى جانداردىڭ ءبىرى - مارگاريتا نام مەن ماكسيم ورتۋمبايەۆ. بۇگىندە ايرانداي ۇيىپ وتىرعان وتباسىنىڭ ەكەۋى دە ارالاس ۇلتتىڭ پەرزەنتتەرى. ەكى بالانىڭ اناسى مارگاريتانىڭ اكەسى كارىس، شەشەسى ورىس، ال وتاعاسىنىڭ اناسى ۋكراين، اكەسى قازاق. ەڭ قىزىعى ولاردىڭ اتا-انالارى دا، وزدەرى دە وسى كيەلى قالادا تانىسىپ، ءۇيلى-باراندى بولىپ، تاتۋ ءتاتتى ءومىر كەشۋدە. قازىرگى ۋاقىتتا اتا-ەنەسى تەمىرتاۋ قالاسىندا تۇرىپ جاتقانىمەن ايدىندى كولدى قاپشاعايعا ءجيى كەلىپ جۇرەدى ەكەن. بۇل جەر قاي-قايسىنا دا ۇنايتىن، جاعىمدى ورىننىڭ ءبىرى. شاعىن ءوڭىردىڭ جىلدان - جىلعا ءار سالاسى قاناتىن كەڭگە جايىپ دامىپ وتىرعاندىقتان، مۇندا ءومىر ءسۇرۋ دە ىڭعايلى، جايلى ەكەنىن جاسىرمادى ءۇشىنشىسىن كۇتىپ جۇرگەن انا. وسىنداي كوپ ۇلتتى ءبىر شاڭىراق استىنا جيناعان وتباسى مۇسىلمان، حريستيان، كارىس مادەنيەتى مەن سالت-ءداسءتۇرىن ۇستانادى. مارگاريتانىڭ سوزىنە قاراعاندا، جولداسى ەكەۋى بىرنەشە مادەنيەتتى جانە ءدىندى بويلارىنا ءسىڭىرىپ وسكەن. ەلىمىزدىڭ ورتاق مەيرامدارىن: ونىڭ ىشىندەگى ناۋرىز، جاڭا جىل، باسقا دا ءداستۇرلى مەرەكەلەردى اسا ۇلكەن دايىندىقپەن قارسى الادى. مۇندا بارلىق ادەپ-عۇرىپقا ساي سان الۋان تاعامدار دايىندالىپ، اق داستارحان جايىلادى. ءدال وسى داستارحان باسىندا بارشاسى جينالىپ، ۇلكەندەر باتاسىن بەرىپ، قۋانىشقا تولى قىزىقتى وتكىزەتىندەرىن ايتادى. بۇگىندە قوس جۇپتىڭ قالانىڭ ورتالىعىندا ورنالاسقان «كيددي بۋتيك» بالالار دۇكەنى بار. وسى وتباسىلىق كاسءىپتى بولاشاقتا قىزى سوفيا مەن ۇلى ەميرحان ارى قاراي دوڭگەلەتىپ اكەتەتىندەرىنە سەنىمدى. ىنتىماعى كەلىسكەن شاڭىراق يەلەرى تۋعان جەرلەرى قاپشاعايدىڭ وركەندەۋىنە ات سالىسىپ، قالانىڭ الەۋەتىنىڭ دامۋىنا بارىنشا ءوز ۇلەستەرىن قوسىپ كەلەءمىز دەيدى.