بۇگىن ماڭعىستاۋ وبلىسىنىڭ اكىمى سەرىكباي ترۇموۆقا اقتاۋ قالاسىنان بوي كوتەرەتىن ق ر تۇڭعىش پرەزيدەنتى ساياباعىنىڭ جوباسى تانىستىرىلدى.
ساياباق قالانىڭ جاڭا 40 شاعىن اۋدانىندا ورنالاسادى. نىساننىڭ جالپى كولەمى 23 گا. وندا قالا تۇرعىندارىنىڭ بەلسەندى دەمالۋىنا ارنالعان الاڭدار، بىرنەشە ساياباقتار مەن سەرۋەندەۋ ايماقتارى بولادى.
گۇلدەر اللەياسى، مۋزىكالىق سۋبۇرقاعى، بالالار ويىن الاڭدارى، سپورتتىق جۇگىرۋ جانە ۆەلوسيپەد جولدارى ورناتىلادى.
ساياباقتا تامشىلاتىپ سۋارۋ جۇيەسى جۇرگىزىلىپ، دەمالۋشىلاردى جەلدەن قورعايتىن قورعانىش بولادى. دەمالىس ورنى "BS stroy" ءجشس-نىڭ جەكە قاراجاتى ەسەبىنەن تۇرعىزىلادى. ۇلكەن ساياباقتىڭ قۇرىلىسىن 2026 جىلى تولىق اياقتاۋ جوسپارلانىپ وتىر.
پىكىر قالدىرۋ