5 مامىر كۇنى م.اۋەزوۆ اتىنداعى قازاق ۇلتتىق دراما تەاترى مەن س.قوجامقۇلوۆ اتىنداعى جەزقازعان قازاق مۋزىكالىق-دراما تەاترى بىرلەسىپ، اكتەر، ۇلتتىق كاسىبي تەاتر ونەرىنىڭ نەگىزىن قالاۋشىلاردىڭ ءبىرى سەركە قوجامقۇلوۆتىڭ تۋعانىنا 125 جىل تولۋىنا ارنالعان "قازاق ساحناسىنىڭ ءىرى تۇلعاسى" اتتى كورمەنىڭ اشىلۋىنا وراي بريفينگ وتكىزدى.

بريفينگكە الماتى قالاسى مادەنيەت باسقارماسى باسشىسىنىڭ ورىنباسارى د.ابزاليدەن ۇلى، م.اۋەزوۆ اتىنداعى قازاق ۇلتتىق دراما تەاترى ديرەكتورىنىڭ ورىنباسارى ج.تولعانباي، تەاتر ديرەكتورىنىڭ كەڭەسشىسى، رەجيسسەر ە.وبايەۆ، رەجيسسەر ءا.راحيموۆ، تەاتر مۋزەيىنىڭ جەتەكشىسى ن.تامابەك قىزى، سەركە قوجامقۇلوۆتىڭ قىزى م.قوجامقۇلوۆا جانە س.قوجامقۇلوۆ اتىنداعى جەزقازعان قازاق مۋزىكالىق-دراما تەاترىنىڭ ديرەكتورى د.ساكەن ۇلى قاتىستى.

تەاتر مۋزەيى قورىنان ارنايى "قازاق ساحناسىنىڭ ءىرى تۇلعاسى" اتتى ۇيىمداستىرىلعان كورمەنىڭ لەنتاسىن ءماريام قوجامقۇلوۆا جانە رەجيسسەر اۋباكىر راحيموۆ قيدى.

ءىس-شارا تەاتر رەپەرتۋارىنداعى ع.مۇسىرەپوۆتىڭ "قىز جىبەك" مۋزىكالىق دراماسىمەن جالعاستى.

م.اۋەزوۆ اتىنداعى قازاق ۇلتتىق دراما تەاترىنىڭ باسپا ءسوز قىزمەتى