الماتىدا جوو رەكتورلارىمەن كەزدەسۋ بارىسىندا سىبايلاس جەمقورلىق قۇقىق بۇزۋشىلىقتاردىڭ الدىن الۋدى كۇشەيتۋ شارالارى تالقىلاندى

بۇگىن ق ر سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى مۇرات احمەتوۆتىڭ توراعالىعىمەن جانە قالا اكىمىنىڭ ورىنباسارى ەرجان باباقۇماروۆتىڭ قاتىسۋىمەن ءبىلىم بەرۋ سالاسىنداعى سىبايلاس جەمقورلىق قۇقىق بۇزۋشىلىقتاردىڭ الدىن الۋدى كۇشەيتۋ ماسەلەلەرى بويىنشا جوو رەكتورلارىمەن كەزدەسۋ ءوتتى.
ءىس-شارا بارىسىندا جوعارى وقۋ ورىندارىنىڭ قىزمەتىنە قاتىستى وزەكتى ماسەلەلەر تالقىلاندى. سىبايلاس جەمقورلىق تاۋەكەلدەرىنە ىشكى تالداۋ جۇرگىزۋ، مەملەكەتتىك ساتىپ الۋلارعا تالداۋ جۇرگىزۋ، الماتى جوو جۇيەسىنە كومپلاەنس قىزمەتىن ەنگىزۋ جانە سىبايلاس جەمقورلىققا قارسى مادەنيەتتى قالىپتاستىرۋ تەتىكتەرى مەن قورىتىندىلارى قارالدى.
الماتى قالاسى اكىمىنىڭ ورىنباسارى ەرجان باباقۇماروۆ اكىمدىك سىبايلاس جەمقورلىققا قارسى ءىس-قيمىل دەپارتامەنتىمەن جانە «ادالدىق الاڭى» وفيسىمەن بىرلەسىپ نەگىزگى باعىتتار بويىنشا جۇمىس جۇرگىزگەنىن اتاپ ءوتتى. بۇل تۇرمىستىق سىبايلاس جەمقورلىقتى جويۋ جانە ازاماتتار ءۇشىن قولايلى جاعداي جاساۋ؛ قوعامدىق باقىلاۋدى جۇزەگە اسىرۋ؛ سىبايلاس جەمقورلىققا قارسى مادەنيەتتى قالىپتاستىرۋ. ءبىلىم بەرۋ سالاسىندا مەكتەپتەردە اقشا جيناۋ مەن ينتەرنەت بۋللينگكە جول بەرمەۋ شارالارى ەرەكشە باقىلاۋعا الىندى.
«ادال كومەك» جوباسى اياسىندا جىل باسىنان بەرى مەگاپوليس تۇرعىندارىنا قۇقىقتىق ساۋاتتىلىق دەڭگەيىن ارتتىرۋ ماقساتىندا 300-دەن استام كەڭەس بەرىلدى. مەدەۋ اۋدانى اكىمدىگىنىڭ سەرۆيس ورتالىعىندا قوسىمشا «ادال كومەك» ورتالىعى اشىلدى.
سونىمەن قاتار، الماتى قالاسىنىڭ سىبايلاس جەمقورلىققا قارسى قىزمەتى جوعارى وقۋ ورىندارىنىڭ قۇرىلىمدىق قايتا قۇرىلۋىنا جانە كوممەرسيالىق ەمەس اكسيونەرلىك قوعامعا كوشۋىنە بايلانىستى مەملەكەتتىك مۇلىككە تۇگەندەۋ جۇرگىزۋدى ۇسىندى.
كەزدەسۋ بارىسىندا «Sanaly urpaq» رەسپۋبليكالىق جوبالىق كەڭسەسىنىڭ جەتەكشىسى قايىرجان توكۋشيەۆتىڭ 2020 جىلدىڭ قازان ايىنان باستاپ ءبىلىم بەرۋ سالاسىندا سىبايلاس جەمقورلىققا جول بەرمەۋ ماقساتىندا جۇزەگە اسىرىلىپ جاتقان «Sanaly urpaq» جوباسى اياسىندا سىبايلاس جەمقورلىققا قارسى ءىس-قيمىل جونىندەگى كەشەندى جوسپاردى ورىنداۋ جونىندەگى اقپاراتى تىڭدالدى.
جوو رەكتورلارى ءوز كەزەگىندە ءوز پىكىرلەرىن ءبىلدىردى، سونداي-اق سىبايلاس جەمقورلىق قۇقىق بۇزۋشىلىقتاردىڭ الدىن الۋ بويىنشا جاڭا تاسىلدەردى قولدادى.