جەڭىل اتلەتيكادان قازاقستان قۇراماسىنىڭ كوشباسشىسى، قازاقستاننىڭ مەدالعا باستى ۇمىتتەرىنىڭ ءبىرى بولعان ولگا رىپاكوۆا ءۇش قارعىپ سەكىرۋ سپورتىنان ىرىكتەۋ تۋرىنان وتپەي قالدى.
رىپاكوۆانىڭ توكيو ويىندارىنداعى ۇزدىك ناتيجەسى 13،69 مەتر بولدى. بۇل وعان فينالدىق سىنعا وتكەن 12 سپورتشىنىڭ قاتارىنا ەنۋگە مۇمكىندىك بەرمەدى.
ولگا رىپاكوۆا ريو-2016 ويىندارىندا قولا، 2021 جىلى لوندون وتكەن وليمپيادادا التىن مەدال جەڭىپ العان. 2018 جىلى رەسمي تۇردە بەيجىڭ وليمپياداسىنىڭ (2008 ج) كۇمىس جۇلدەگەرى دەپ تانىلدى. ول 2008 جىلعى وليمپيادادا ءتورتىنشى ورىن العان. كەيىن كۇمىس جانە قولا العان سپورتشىلار – گرەكيالىق حريسوپيا ديەۆەتسي مەن رەسەيلىك تاتيانا لەبەديەۆانىڭ سىناماسىنان دوپينگ تابىلىپ، وليمپيادا مەدالدەرىنەن ايرىلۋىنا بايلانىستى ءتورتىنشى ورىندا تۇرعان رىپاكوۆا اۆتوماتتى تۇردە ەكىنشى ساتىعا جايعاسقان.
سونداي-اق قازاقستاندىق جەڭىل اتلەتتەر ماريا وۆچيننيكوۆا مەن يرينا ەكتوۆادا دا فينالدىق باسەكەگە وتە المادى.
پىكىر قالدىرۋ