«Nur Otan» پارتياسىندا «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسى قالاي جۇزەگە اسىپ جاتقانى ايتىلدى. جىل باسىنان بەرى ەلباسى، پارتيا ليدەرى نۇرسۇلتان نازاربايەۆتىڭ تاپسىرماسى بويىنشا قابىلدانعان ءاربىر ءوڭىر، قالا جانە اۋدان بويىنشا 217 جول كارتاسى اياسىندا رەسپۋبليكالىق ينديكاتورلاردىڭ 11%-ى جانە وڭىرلىك دەڭگەيلەردە 12%-ى ورىندالدى.
پارتيانىڭ باسپا ءسوز قىزمەتىنىڭ مالىمەتىنشە، وڭىرلەردە 7،7 ملن. شارشى مەتر تۇرعىن ءۇي، 12،2 مىڭ ورىندىق 34 مەكتەپ، 15 مەديسينالىق نىسان، 4،5 مىڭ ورىندىق 68 بالاباقشا سالىندى. 800 ملرد تەڭگەگە ينۆەستيسيا تارتىلا وتىرىپ، 77 جاڭا كاسىپورىن اشىلدى. تۇراقتى جۇمىس ورىندارىنا 160 مىڭنان استام ادام جۇمىسقا ورنالاستىرىلدى. جىل سوڭىنا دەيىن تاعى 200 ءتۇرلى الەۋمەتتىك نىسان، ونىڭ ىشىندە جاڭا مەكتەپتەر، اۋرۋحانالار جانە ت.ب. ىسكە قوسىلادى.
مىسالى، نۇر-سۇلتان قالاسىندا مەديسينالىق قىزمەت كورسەتۋدىڭ ساپاسى مەن قولجەتىمدىلىگىن جاقسارتۋ ءۇشىن 6 دارىگەرلىك امبۋلاتوريانىڭ قۇرىلىسى اياقتالدى. الماتى وبلىسىندا جاڭا سەمەنت زاۋىتىنىڭ اشىلۋىنا بايلانىستى تاعى 500-گە جۋىق جۇمىس ورنى اشىلدى. تۇركىستان وبلىسىندا 110 مۆت-تى قۇرايتىن ءۇش كۇن ەلەكتر ستانسياسى ىسكە قوسىلدى. بۇل جىلىنا 117 مىڭ توننا كومىرقىشقىل گازىمەن اتموسفەرانىڭ لاستانۋىن بولدىرماۋعا مۇمكىندىك بەرەدى. باتىس قازاقستان وبلىسىندا 600 بالاعا ارنالعان 12 بالاباقشا اشىلدى.
سونداي-اق، ينكليۋزيۆتى ءبىلىم بەرۋ جۇيەسىن جەتىلدىرۋ دە جالعاسۋدا. 1681 بالاباقشا مەن 5536 مەكتەپتە ەرەكشە بالالارعا جاعداي جاسالعان. ەرەكشە ءبىلىم الۋعا قاجەتتىلىگى بار بالالارمەن جۇمىس ىستەۋ ءۇشىن بالاباقشالاردىڭ 2،5 مىڭنان استام پەداگوگى جانە مەكتەپتەردىڭ 36 مىڭ ءمۇعالىمى بىلىكتىلىكتى ارتتىرۋ كۋرسىنان ءوتتى. سونىمەن قاتار نۇر-سۇلتان قالاسىندا، سونداي-اق پاۆلودار، قىزىلوردا، باتىس قازاقستان، اقتوبە جانە اقمولا وبلىستارىندا مۇگەدەك بالالارعا ارنالعان ارنايى وڭالتۋ ورتالىقتارى اشىلدى.
ەسكە سالا كەتەيىك، مەملەكەت باسشىسى قاسىم-جومارت توقايەۆ جاريا ەتكەن «Nur Otan» پارتياسىنىڭ سايلاۋالدى ۋادەلەرى اياسىندا 2025 جىلعا دەيىن 1 ملن. وتباسى ءۇشىن 100 ملن. شارشى مەتردەن استام تۇرعىن ءۇي پايدالانۋعا بەرىلىپ، 3،5 مىڭ اۋىل مەن 5 مىڭ مەكتەپكە قايتا جوندەۋ جۇمىستارى جۇرگىزىلەدى. 25 مىڭ شاقىرىم رەسپۋبليكالىق جانە 27 مىڭ جەرگىلىكتى جولداردى سالۋ جانە قايتا جاڭارتۋ جوسپارلانۋدا.
الەۋمەتتىك تولەمدەردى جىل سايىن يندەكستەۋگە 3 تريلليوننان استام تەڭگە بولىنەدى. دەنساۋلىق ساقتاۋدى قارجىلاندىرۋ كولەمى ءجىو-نىڭ 5%-ىنا دەيىن جەتكىزىلەتىن بولادى. 3 جاستان 6 جاسقا دەيىنگى بالالار مەكتەپكە دەيىنگى تاربيەمەن 100% قامتىلاتىن بولادى.
بارلىق تارماقتارمەن تولىعىراق nurotan.kz سايتىندا تانىسۋعا بولادى.
پىكىر قالدىرۋ