رەجيسسەر دارەجان ومىربايەۆتىڭ “اقىن” ءفيلمى 34ء-شى حالىقارالىق توكيو كينوفەستيۆالىندە “ۇزدىك رەجيسسەر” اتالىمى بويىنشا جەڭىسكە جەتتى.

بۇل فيلم پوەزيا تۋرالى عانا ەمەس، قازىرگى ۋاقىتتا، ونەردى باعالامايتىن كەزەڭدە اقىن بولۋدىڭ وڭاي ەمەستىگىن، قانشالىقتى قيىن ەكەندىگىن كورسەتەتىن تۋىندى. رەجيسسەر ءوز سوزىندە فيلمىنە قازىلار القاسىنىڭ تاراپىنان جوعارى باعا بەرىلگەندىگىنە ريزا بولىپ، ناقتى باعاسى بەرىلەر ۋاقىت الدا ەكەندىگىن اتاپ ءوتتى.

«اقىن» ءفيلمىنىڭ سەنارييىن جازۋعا نەمىس جازۋشىسى گەرمان گەسسەنىڭ شىعارماسى سەبەپ بولعان. ول اۆتور «يگرا ۆ بيسەر» دەگەن رومانى ءۇشىن «نوبەل» سىيلىعىن العان. جازۋشىنىڭ «اۆتورسكيي ۆەچەر» دەگەن اڭگىمەسى رەجيسسەردى بەي-جاي قالدىرماعان. سول اڭگىمە تۇرتكىسىمەن ۇلكەن سەناريي باستاپ، شىعارماشىلىق ادامىنىڭ باسىنان وتكەن جاعدايلارى مەن ماسەلەلەرى ارقىلى ۇلكەن تاقىرىپتى قوزعاۋعا بولادى دەگەن ويعا كەلىپ، قوعامعا ءۇن قاتقان. فيلمدە شىعارماشىلىق ادامدارىنىڭ ءومىرى، كوزگە كورىنەتىن، كەيدە كورىنبەيتىن ماسەلەلەرى كورسەتىلگەن.

باستى ءرولدى «جىگىتتەر» كۆارتەتىنىڭ ءانشىسى ەردوس قانايەۆ سومداعان. ءتىلى دە، ءتۇرى دە قازاق اقىنىنا كەلىپ تۇرعان سوڭ رەجيسسەردىڭ تاڭداۋى «جىگىتتەردىڭ» جىگىتىنە تۇسكەن. فيلمدە اقبەرەن ەلگەزەك، ەرلان ءجۇنىس سەكىلدى اقىنداردىڭ ولەڭى پايدالانىلعان.

ەسكە سالا كەتسەك، دارەجان ومىربايەۆتىڭ «كارديوگرامما»، «شىلدە»، «ستۋدەنت» سەكىلدى فيلمدەرى بار. كوپتەگەن حالىقارالىق كينوفەستيۆالدەرىنىڭ جۇلدەگەرى.

ەلەنورا ءامىر