الماتىدا  «ÖzgeEpic»   زاماناۋي ونەر كەڭىستىگى Jauhar» ءداستۇرلى مۋزىكا  جوباسىنىڭ تۇساۋكەسەرى ءوتتى. “Jauhar” – ۇلتتىق مۋزىكانى زاماناۋي فورماتتا ۇسىناتىن جاڭا جوبا.

«ÖzgeEpic» - تاۋەلسىز قازاق ونەرىن دامىتاتىن كەڭىستىك.

زاماناۋي تەاتر، مۋزىكا، كوركەمونەر، ادەبيەت، كينو جانرلارى بوي̆ىنشا جوبالاردى جۇزەگە اسىراتىن ونەر پلاتفورماسى. ۇلتتىق ونەردى ويۋعا عانا وراپ كورسەتۋ، الەمدىك تەندەنسيالارمەن كىرىكتىرمەۋ - ونى جاس بۋىننان الىستاتىپ، زامان كوشىنەن قالدىرىپ بارادى.

جوبا ۇيىمداستىرۋشىلارى  ماقپال جۇماباي مەن توعجان قۇرمانجانوۆانىڭ ايتۋىنشا، نەگىزگى ماقسات – زاماناۋي تەحنولوگيا كومەگىمەن ناعىز قازاق اۋەنىن جانداندىرۋ، سول ارقىلى ءداستۇرلى ان-كۇي مەكتەپتەرىن جاستار اراسىندا كەڭ تاراتۋ. سول ءۇشىن جوعارى دەڭگەيلى دىبىس جازۋ، وڭدەۋ پروسەسىمەن زاماناۋي ۆيدەوتۇسىرىلىم قاتار ۇسىنىلعان.

جوبا اياسىندا ەلىمىزدىڭ ۇلتتىق مۋزىكا مەكتەپتەرىن تولىعىمەن قامتۋ جوسپارلانعان. «Jauharدىڭ» العاشقى كەزەڭىندە ماڭعىستاۋ جىرشىلىق مەكتەبىنىڭ وكىلدەرىن ناسيحاتتاۋ كوزدەلىپ، كورەرمەنگە ون جىرشىنىڭ ونەرى كورسەتىلگەن. العاشقى ماۋسىم 10 ەپيزودتان تۇرادى. ءار ەپيزود ءبىر جىرشىنىڭ شىعارماشىلىعىن قامتيدى، حرونومەتراجى 35-40 مينۋت.

ماڭعىستاۋ  جىرشىلىق مەكتەبىنىڭ وكىلدەرىن  ناسيحاتتاۋ ناتيجەسىندە، جوباعا اماندىق كومەك ۇلى، ۇزاقباي ساحييەۆ، جەتكىزگەن سەيىتوۆ، احمەت بايەكەشوۆ، ارعىن بيسەن ۇلى، امانبەك ساۋىربايەۆ، وڭداسىن قالقان، وسپان قۇلسىماقوۆ، ريزابەك سەرىك، باقداۋلەت تولىبەك ۇلى سەكىلدى 10 جىرشى قاتىسىپ، ماڭعىستاۋ ولكەسىنىڭ  ەلەۋلى وقيعالارىن باياندايتىن اڭىز-جىرلاردى ورتاعا سالدى. ابىل تىلەۋ ۇلى،  نۇرىم شىرشىعۇل ۇلى،  اقتان  كەرەي ۇلى، قاشاعان كۇرجىمان ۇلى ت.ب شىعارمالارى ورىندالدى.

«Jauhar» ءداستۇرلى مۋزىكا جوباسى  Youtube  پلاتفورماسىنداعى «Jauhar live» كانالىندا كەڭىنەن دامىتىلىپ، جوعارى ساپالى دىبىس پەن ۆيدەوكونتەنت ۇسىنىلادى. سونىمەن قاتار، جىل اياعىنا دەيىن بارلىق مۋزىكالىق ستريمينگتىك پلاتفورمالاردا  10 مۋزىكالىق البوم جاريالانىپ، تىڭداۋ مۇمكىندىگى قوسا بەرىلەدى.

“جاۋھار” ءسوزى اسىل، باعا جەتپەس قۇندىلىق دەگەن ماعىنانى بىلدىرەدى عوي.
قازاق حالقى قايتالانا بەرمەيتىن دارالىقتى جاۋھارعا تەڭەگەن، الەمدەگى ەڭ كوركەم سۇلۋلىقتى جاۋھارعا بالاعان، دۇنيەدەگى جان تەبىرەنتەر سەزىمدى جاۋھار دەپ سيپاتتاعان.
وسى سەبەپتەن دە قازاق جانىنىڭ بار سىرىن، قازاق حالقىنىڭ بار بولمىسىن اشاتىن ۇلتتىق مۋزىكامىزدى ءبىز جاۋھارعا تەڭەستىردىك. ءداستۇرلى مۋزىكانىڭ جاس بۋىن اراسىندا ناسيحاتى كەمشىن ەكەنى جاسىرىن ەمەس.  سول ءۇشىن كورەرمەنگە ۇسىنۋ كەرەك، كورسەتۋ كەرەك. جەڭىل-جەلپى دۇنيە جاساپ جاتقانىمىز جوق. سول ءۇشىن  ءداستۇرلى مۋزىكانى زاماناۋي فورماتتا ۇسىنىپ، ونىڭ سيفرلى قورىن جاساقتاماق نيەتتەمىز”، - دەيدى ماقپال جۇماباي.

تۇساۋكەسەرگە كەلگەن قوناقتار دا، ونەر يەلەرى دە  مۇنداي جوبالار كەرەك ەكەنىن، ناسيحاتى كەمشىن تۇسپەسە ەكەن دەگەن نيەتتەرىن جەتكىزدى.