ەكولوگيالىق جاعداي- جايلى جانە ءقاۋىپسىز ءومىر ءسۇرۋدىڭ كەپىلى. 

اسىرەسە، اتىراۋ حالقى ءۇشىن قورشاعان ورتانى وڭالتۋ شارالارىنىڭ قارقىندى ءارى ناتيجەلى جۇرگىزىلۋى اسا ماڭىزدى. 

بۇل تۋرالى بۇگىن كانديداتتار ايگۇل امىرعالييەۆا مەن ابدوللا يدرەسوۆ «كتك ك» اق ۇجىمىمەن كەزدەسۋ بارىسىندا ايتىپ، AMANAT پارتياسىنىڭ سايلاۋالدى باعدارلاماسىندا وسىناۋ وزەكتى پروبلەماعا قاتىستى قانداي جۇمىستار اتقارۋ جوسپاردا ەكەنىن جاريا ەتتى.

«جايىقتىڭ جاعدايى جىلدان-جىلعا ناشارلاپ بارادى. سۋ قورى ازايىپ، ارناسى دا تارىلۋدا». وبلىستىڭ نەگىزگى تىرشىلىك كوزى سانالاتىن وزەننىڭ سوڭعى جىلدارداعى احۋالىنا الاڭداعان اتىراۋلىقتار وسىنداي باعىتتاعى وي-پىكىرلەرىن ورتاعا سالدى.

ابدوللا حامي ۇلى AMANAT پارتياسى ترانسشەكارالىق وزەن باسسەينىنىڭ ەكوجۇيەسىن ساقتاۋ جانە قالپىنا كەلتىرۋ جونىندەگى شارالاردى ىسكە اسىرۋعا مۇددەلى ەكەنىن جەتكىزدى. بۇعان قوسا، جايىق وزەنىنىڭ كاسپيي تەڭىزىنە قۇيار ساعاسىن تەرەڭدەتۋ جۇمىستارىن جۇرگىزۋگە ىقپالداسۋ دا AMANAT-تىڭ الداعى 5 جىلدا العا قويعان ماقساتتارىنىڭ قاتارىندا.

«سونىمەن قاتار، سۋعا باتقان ءىرى گاباريتتى زاتتاردى كوتەرۋ ءۇشىن قارجى ءبولۋ جۇمىستارىنا ىقپال ەتۋ – ماقساتىمىز. جايىق – وبلىس ءۇشىن ۇلكەن مانگە يە. وزەن ارناسى تولىعۋى ءۇشىن زاڭسىز سالىنعان بوگەتتەردى جويۋ، سول ارقىلى سۋ قورىن مولايتۋعا مۇمكىندىك تۋعىزۋ سەكىلدى جۇمىستار AMANAT پارتياسىنىڭ الاڭىندا ۇنەمى كوتەرىلىپ كەلەدى. ءالى دە جالعاستىرا بەرەمىز» دەدى ول.

تاپسىرىس بەرۋشى: AMANAT پارتياسىنىڭ اتىراۋ وبلىستىق فيليالى

AMANAT پارتياسىنىڭ اتىراۋ وبلىسىنىڭ سايلاۋ قورى قاراجاتىنان تولەندى