دەپۋتات ازات پەرۋاشيەۆ پەتروپاۆلدى قىزىلجار، پاۆلوداردى كەرەكۋ نەمەسە ەرتىس دەپ وزگەرتىلۋى كەرەگىن ايتتى، دەپ حابارلادى informburo.kz
"بۇل قالالار اق پاتشانىڭ كەزىندە سالىنعانىمەن، قازاقتىڭ جەرى. بابالارىمىزدىڭ بىلەكتىڭ كۇشى، نايزانىڭ ۇشىمەن جەتكەن جەرى. سول ءۇشىن وسى قالالارعا تاريحي اتاۋىن قايتارۋ كەرەك دەپ سانايمىن"، – دەدى ول.
جۋرناليستەردىڭ "رەسەي مەن ۋكراينا اراسىنداعى جاعدايعا بايلانىستى قالا اتىن اۋىستىرۋ ءقازىر ءقاۋىپتى ەمەس پە؟" دەگەن سۇراعىنا پەرۋاشيەۆ:
"مەنىڭ ويىمشا، كورشىلەرمەن قانشا ساناسساق تا، ەل وزىمىزدىكى، جەر وزىمىزدىكى. سونى ۇمىتپاۋىمىز كەرەك"، – دەپ جاۋاپ بەردى.
سونىمەن قاتار، دەپۋتات ماسەلەگە قاتىستى سوڭعى شەشىمدى پارلامەنت ەمەس، پرەزيدەنت قابىلدايتىنىن دا اتاپ ءوتتى.
پىكىر قالدىرۋ