2023 جىلدىڭ 1 ساۋىرىندەگى ەسەپ بويىنشا 4575 ەتنيكالىق قازاق تاريحي وتانىنا ورالىپ، قانداس مارتەبەسىن الدى. ال تاۋەلسىزدىك العالى بەرى 1 ميلليون 111،1 مىڭ قازاق ەلگە ورالعان، دەپ حابارلايدى ق ر حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.
ۆەدومستۆونىڭ مالىمەتىنشە، بيىلعى جىلدىڭ باسىنان بەرى قازاقستانعا كەلگەن قانداسلاردىڭ جارتىسىنان كوبى وزبەكستاننان، 19،3% قىتايدان، 13% رەسەيدەن، 6،3% تۇركىمەنستاننان، 5،3% موڭعوليادان كەلگەن.
ولار نەگىزىنەن الماتى، ماڭعىستاۋ، تۇركىستان، جامبىل وبلىستارىنا قونىستانعان.
بيىلعا جىلدىڭ 1 ساۋىرىندەگى جاعداي بويىنشا ەڭبەككە قابىلەتتى قانداستاردىڭ سانى 69،1 پايىزدى قۇراسا، 22،3 پايىزى ەڭبەك جاسىنا تولماعان، ال 8،6 پايىزى زەينەتكەر.
پىكىر قالدىرۋ