ۇلتتىق قاۋىپسىزدىك كوميتەتى شەكارا قىزمەتى بيىلدىڭ وزىندە ەل اۋماعىندا قوس ازاماتتىقپەن جۇرگەن 233 ادامدى انىقتاعان. ال 150 ادام وزگە بىرەۋدىڭ قۇجاتىن پايدالانعان.
باسقا بىرەۋدىڭ قۇجاتىن پايدالانعانداردىڭ كوپشىلگى ينديا، نيگەريا، تاجىكستان، وزبەكستان جانە رەسەي تۇرعىندارى.
"قارۋ-جاراق پەن وق-دارىلەردى زاڭسىز وتكىزبەك بولعان 153 جاعداي تىركەلدى. كۇدىكتىلەر ءارى قاراي تەكسەرۋ ءۇشىن ءىىم مەن مكد اۋماقتىق بولىمشەلەرىنە تاپسىرىلدى. ودان بولەك، ق ر كوشى-قون زاڭنامالارىن بۇزعانى ءۇشىن 8 مىڭنان استام ادام اكىمشىلىك جاۋاپكەرشىلىككە تارتىلدى"، - دەلىنگەن اقپاراتتا.
سونىمەن قاتار، جالپى سوماسى 2،5 ميلليارد تەڭگەنى قۇرايتىن 300-دەن استام زاڭسىز ۆاليۋتا اينالىمى دا انىقتالعان.
پىكىر قالدىرۋ