يراك بايلانىس مينيسترلىگى ەلدە Telegram مەسسەندجەرى بۇعاتتالعانىن حابارلادى.
يراك بيلىگى بۇل شەشىمدى ۇلتتىق قاۋىپسىزدىك جانە ازاماتتاردىڭ جەكە دەرەكتەرىنىڭ ساقتالۋى ءۇشىن قابىلداعانىن ايتتى.
ۆەدومستۆو Telegram باسشىلىعىنان رەسمي مەملەكەتتىك مەكەمەلەردەگى قولدانۋشىلاردىڭ جەكە دەرەكتەرى مەن اقپاراتىن تاراتىپ جىبەرەتىن ارنالاردى جويۋدى سۇراعانىن ايتتى. دەگەنمەن يراك شەنەۋنىكتەرى كومپانيانىڭ ەشبىر سۇراۋعا جاۋاپ بەرمەگەنىن ايتادى.
"بايلانىس مينيسترلىگى مەملەكەت پەن ونىڭ ينستيتۋتتارىنىڭ قاۋىپسىزدىگى ءۇشىن ازاماتتاردىڭ ءسوز ەركىندىگى قۇقىعىن سىيلايتىنىن راستايدى"، - دەلىنگەن يراك ۇكىمەتىنىڭ مالىمدەمەسىندە.
بۇعان دەيىن Telegram يران مەن قىتايدا تولىعىمەن بۇعاتتالعان. كەيدە قازاقستان، رەسەي، بەلارۋس، اۋعانستان، برازيليا، ءۇندىستان، يندونەزيا ەلدەرىندە قوسىمشانىڭ جۇمىسى ۋاقىتشا شەكتەلىپ تۇرادى.
پىكىر قالدىرۋ