اتىراۋدا "QazHome" قارجى پيراميداسىن ۇيىمداستىرۋشىلارعا قاتىستى تەرگەۋ ءجۇرىپ جاتىر.
قارجىلىق مونيتورينگ اگەنتتىگىنىڭ مالىمەتىنشە، اتالعان ازاماتتار QazHome تۇتىنۋ كووپەراتيۆىن قۇرىپ، وعان كىرگەن جەكە جانە زاڭدى تۇلعالاردىڭ اقشاسىنان پايدا تاپقان.
وسى فاكتى بويىنشا قما اتىراۋ وبلىسى بويىنشا دەپارتامەنتى قىلمىستىق ءىس قوزعاپ، تەرگەۋ جۇمىستارىن جۇرگىزىپ جاتىر.
تەرگەۋ بارىسىندا كووپەراتيۆ قىزمەتىنە 296 سالىمشى تارتىلعانى انىقتالدى. ولاردىڭ 35ء-ى عانا شاعىمدانىپ، ارىز تۇسىرگەن.
“ارىزدار بويىنشا زالال سوماسى 49 ملن تەڭگەدەن اسادى. قازىرگى ۋاقىتتا قىلمىستىق ءىس سوتقا جىبەرىلدى”، – دەلىنگەن رەسمي حابارلامادا.
پىكىر قالدىرۋ