20 قىركۇيەكتە قارجى مينيسترلىگى شەتەلدەن قارجىلاندىرىلاتىن ەلىمىزدەگى جەكە جانە زاڭدى تۇلعالاردىڭ ءتىزىمىن جاريالاپ جىبەردى. ءتىپتى جسن-دەرىن اشىق كورسەتىپ، جايىپ سالدى.
سويتسەك، ءبىزدىڭ بيلىكتىڭ "شەتەلدىك اگەنتتەر" دەپ تانىعانى بەلگىلى جۋرناليستەر، تانىمال تۇلعالار، باق-تار، قوعامدىق قورلار مەن شەتەلدىك كومپانيالار ەكەن. بۇل تىزىمگە ۇزىن-ىرعاسى 240 ۇيىم مەن تۇلعانى قوسىپ قويىپتى.
"كوتەك كورگەنىن ىستەيدى" دەمەكشى، رەسەيدىڭ "ينواگەنت تۋرالى" زاڭىن قازاقستان بيلىگى دە قاجەتسىنە باستاعان كۇن تۋدى.
رەسەيدە بۇل زاڭ كرەملدى سىنايتىندارعا قارسى قولدانىلىپ، ءسوز بوستاندىعى مەن وي ەركىندىگىن تىكەلەي شەكتەيدى.
مەملەكەتتىك ورگاندار "رەسەيمەن سالىستىرمايىق، ءبىزدىڭ ماقساتىمىز باسقا" دەپ مىڭ جەردەن مويىنداماي وتىرسا دا، بۇل ءتىزىمنىڭ تۇپكى ماقساتى ەركىن قازاقتىڭ اۋزىنا قاقپاق قويۋ ەكەنى تۇسىنىكتى.
قىزىق. قازاقستاننىڭ ازاماتتىق قوعامىن دامىتۋعا، قازاقستانداعى ادام قۇقىعى مەن دەموكراتيانى ىلگەرىلەتۋگە، اقىر اياعى قازاق قوعامىندا اقيقاتتىڭ ايتىلۋى ءۇشىن اقشانى دا، گرانتتاردى شەتەلدىڭ دامىعان ەلدەرى بولەدى.
ەسەسىنە قازاقتىڭ ءوز ەلىندە جۋىردا "بلوگەرلەر جارنامادان سالىق تولەۋى كەرەك" دەگەن جەلەۋمەن، "جالعان اقپارات تاراتۋشىلاردى" جازالايتىن تاعى ءبىر زاڭ كۇشىنە ەندى. اكىمدەر مەن مينيسترلەردى قىزمەتىنەن الۋدى تالاپ ەتىپ پەتيسيا جازۋعا تىيىم سالاتىن زاڭ جوباسى ماقۇلداندى. ەندى مىنە، "شەتەلدىك اگەنتتەر" دەگەن ءتىزىم پايدا بولدى.
"ادىلەتتى قازاقستان" باسپا ءسوز بەن ۇكىمەتتىك ەمەس ۇيىمداردى جونگە سالۋعا جاقسىلاپ كىرىسكەن سىڭايلى.
پىكىر قالدىرۋ