ياعني، بەلگىسىز بوت كەز كەلگەن قازاقستاندىقتىڭ تەلەفون ءنومىرى مەن تۇراقتى مەكەنجايىن، جۇمىس ورنىن ىزدەگەن جانعا وڭاي تاۋىپ بەرىپ وتىرادى. باستاپقىدا بوت وزىنە جازىلۋشىلاردى تارتۋ ماقساتىندا جەكە دەرەكتەردى تەگىن تاۋىپ بەرگەن. كەيىنىرەك ول قىزمەتتەرى اقىلى تۇرگە اۋىسقان. وندا دا تولەمدى رەسەي رۋبلىندە تولەۋدى سۇرايدى. بۇعان قاتىستى ق ر سيفرلى دامۋ، يننوۆاسيالار جانە اەروعارىش مينيسترلىگى ءار ازامات ءوزى تۋرالى اقپاراتتى الەۋمەتتىك جەلىدەگى پاراقشالارى مەن ءتۇرلى ونلاين پلاتفورمالار ارقىلى كورسەتكەندىكتەن، ولار تۋرالى جەكە دەرەكتەرى دە قولجەتىمدى بولاتىنىن ايتادى.
- قازىرگى ۋاقىتتا مينيسترلىك دەربەس دەرەكتەردىڭ تاراعانى ءۇشىن جاۋاپكەرشىلىكتى قاتاڭداتۋ جونىندە شارالار قابىلداپ جاتىر. Telegram بوتتار تۇرعىلىقتى مەكەنجايلارى بويىنشا ەسكى مالىمەتتەردى كورسەتەدى. سونىمەن قاتار كەيبىر مەكەنجايلار جالپىعا قولجەتىمدى كوزدەردە نەمەسە تاۋارلار مەن قىزمەتتەردى جەتكىزۋ جەلىلەرىندە كورسەتىلۋى مۇمكىن، – دەيدى مينيسترلىك.
پىكىر قالدىرۋ