ۆيدەودا تىنىشتاندىرۋعا تىرىسقان ەكى دارىگەرگە ەر ادامنىڭ قارسىلىق كورسەتىپ جاتقانى ايقىن كورىنەدى. ءىس ناسىرعا شاۋىپ، توبەلەس باستالعاننان كەيىن مەديسينا قىزمەتكەرلەرى ناۋقاستاردى بولەك پالاتاعا اپارىپ، باسقا پەرسونالدى كومەككە شاقىرعان.
شىمكەنت قالاسىنىڭ دەنساۋلىق ساقتاۋ باسقارماسى وقيعانىڭ سەبەبىن انىقتاپ، حابار بەردى.
"20 قىركۇيەك كۇنى ساعات 19:50-دە گيپەرباريالىق وكسيگەناسيا ورتالىعىنا 1995 جىلعى ازامات جەدەل مەديسينالىق جاردەم كولىگىمەن جەتكىزىلگەن. جاقىندارىنىڭ ايتۋىنشا، پاسيەنت ۋلى سۇيىقتىق ىشكەن. دارىگەرلەر ناۋقاستى تەكسەرىپ، پسيحيكالىق قوزۋ جاعدايىنىڭ بولۋىنا بايلانىستى ەم شارالارىن جۇرگىزۋ ماقساتىندا جانساقتاۋ بولىمىنە كىرگىزگەن. الايدا ناۋقاس كومەك كورسەتۋگە قارسىلىق ءبىلدىرىپ، مەديسينالىق قىزمەتكەرلەرگە كۇش كورسەتكەن"، - دەپ جازدى.
اۋرۋحانانى شۋلاتقان ناۋقاستى ەكى دارىگەر ارەڭ تىنىشتاندىردى. وقيعا ورنىندا ناۋقاستىڭ تۋىسقاندارى دا بولعان. ۆيدەونى جاقىندارىنىڭ ءبىرى تۇسىرگەن. اقپارات پوليسياعا جەتكىزىلدى.
ايتا كەتەيىك، بۇعان دەيىن تالعارداعى اۋرۋحانادا قايتىس بولعان ناۋقاستىڭ تۋىسقاندارى دارىگەرلەردى سوققىعا جىققانى تۋرالى حابار تاراعان. اتالعان ءىس بويىنشا تەرگەۋ جۇرگىزىلىپ جاتىر.
پوسموترەت ەتۋ پۋبليكاسيۋ ۆ Instagram
پىكىر قالدىرۋ