تاراپتار گەرمانيا پرەزيدەنتىنىڭ تاياۋدا قازاقستانعا جاساعان ساپارى اياسىندا قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن قاراستىردى. اتاپ ايتقاندا، ەنەرگەتيكا، ترانزيت، لوگيستيكا، پايدالى قازبالاردى يگەرۋ، جاڭارتىلاتىن ەنەرگيا كوزدەرى، اۋىل شارۋاشىلىعى جانە سيفرلاندىرۋ سەكىلدى ىنتىماقتاستىقتىڭ باسىم باعىتتارىنا قاتىستى بىرلەسكەن جۇمىستاردى تالقىلادى.
كەلىسسوز بارىسىندا مادەني-گۋمانيتارلىق بايلانىستاردى، سونداي-اق ەكى ەلدىڭ عىلىمي جانە ءبىلىم بەرۋ ۇيىمدارى اراسىنداعى قاتىناستاردى نىعايتۋ ماسەلەسىنە باسا ءمان بەرىلدى.
قاسىم-جومارت توقايەۆ پەن فرانك-ۆالتەر شتاينمايەر قازاقستان مەن گەرمانيانىڭ كوپجاقتى ىنتىماقتاستىعىن ودان ءارى نىعايتۋ ءۇشىن بىرلەسكەن ءىس-قيمىلداردى ارتتىرا تۇسۋگە ۋاعدالاستى.
مەملەكەت باسشىسى گەرمانيا پرەزيدەنتىنىڭ Bellevue رەزيدەنسياسىنداعى قۇرمەتتى قوناقتار كىتابىنا ەستەلىك قولتاڭبا قالدىردى.
پىكىر قالدىرۋ