ولاردىڭ ايتۋىنشا، باسقارما جول اقىسى ءۇشىن زاڭسىز اقشا جيناپ، قازان ايىنان باستاپ تولەم قۇنىن جوعارىلاتىپ جاتىر. وسىعان وراي، قوعام بەلسەندىلەرى «كولىك مينيسترلىگى اقىلى جولدارداعى تاريفتەردى 20%-عا كوتەرىپ، كەيىن باعانى جىل سايىن وسەتىن اەك-كە بايلانىستىرۋدى جوسپارلاپ وتىر. ءبىراق باعاسى ساپاعا سايكەس كەلە مە؟ بۇعان ءبىز ءبىراۋىزدان «جوق» دەيمىز. سەبەبى، جول اقىلى بولعانىمەن دە، جولدار جاقسارا قويمادى. جولداردا شۇڭقىر كوپ. ءارى جول بويىندا قىزمەت كورسەتىلمەيدى. قىستا دا تازالىق جۇمىستارى ناشار» دەيدى.

ال ءقاۋىپسىز جول قوزعالىسى قاۋىمداستىعىنىڭ پرەزيدەنتى ارسەن شاقۋوۆ: «بىزدە بالاما جول جوق. ال ەسكى جولعا تاس جول سالىپ، اقشا الىپ جاتىر. بۇل جالپى كونستيتۋسياعا قايشى ەكەنىن ءتۇسىنۋ كەرەك. مۇمكىن، سوتقا شاعىم تۇسىرەرمىز. اقىلى جول بولسا، ساپاسى بىردەي تەگىن جول بولۋى كەرەك، – دەسە، ەكونوميست مارات ابدۋراحمانوۆ:

• تاۋارلاردىڭ بارلىعى ءىرى قالالار مەن ەلدىمەكەندەرگە اقىلى جولدار ارقىلى كەلەدى. سونىڭ سالدارىنان ازىق-تۇلىكتىڭ دە باعاسى ەكى ەسەگە وسەتىنى ءسوزسىز. ال باعانىڭ ءوسۋى كۇندەلىكتى تۇتىناتىن ءسۇت، ەت، ۇن، كوكونىس سەكىلدى ارزان تاعامداردىڭ باعاسىنا اسەر ەتپەي قويمايدى دەيدى.

بۇعان دەيىن كولىك ءمينيسترى مارات قارابايەۆ: «ءۇش ەلەمەنت وزگەرىپ جاتىر. بىرىنشىدەن، ءبىز اقىلى جول قۇنىن 20 پايىزعا كوتەرىپ جاتىرمىز. ەكىنشىدەن، اقىلى جول تاريفتەرىن ايلىق ەسەپتىك كورسەتكىشپەن بايلانىستىرامىز. ياعني، جىل سايىن اەك وسكەن سايىن، تاريف تە بىرگە كوتەرىلىپ وتىرادى. ۇشىنشىدەن، ەكى جولاقتىقوزعالىسى بار جاڭا ۋچاسكەلەردە تەك جۇك كولىكتەرى ءۇشىن اقى تولەۋدى ەنگىزۋ جۇمىستارى جۇرگىزىلىپ جاتىر» دەگەن بولاتىن مينيستر.