بۇل جولعى قۋانىش يەسى تالدىقورعان قالاسىنىڭ كىشكەنتاي تۇرعىندارى بولدى. مەزگىلسىز قايتقان جارىنىڭ ارتىنان كەتە بارعان انانىڭ بەس بالاسى قامقورشىسىز، باسپاناسىز قالىپ قويدى.
تاعدىر تاۋقىمەتىن ەرتە كورگەن كىشكەنە قىز اناسى قاتەرلى ىسىك دياگنوزى قويىلعاننان كەيىن كوپ ۇزاماي قايتىس بولعانىن ايتادى.
– اۋىرىپ جۇرگەنىندە اس-سۋىن ءوزىم بەردىم. كوز الدىمدا باقيعا اتتاندى. بۇلاي تەز كەتەدى دەپ ويلاماعان ەدىك. جۇما كۇنى كەتتى جانە جۇمادا تۇسىمە كىرىپ: «باۋىرلارىڭا باس-كوز بول!» دەپ تاپسىردى. سول كۇننەن بەرى بار جاۋاپكەرشىلىك موينىمدا، تورتەۋىنە اكە ورنىنا اكە، شەشە ورنىنا شەشە بولىپ ءجۇرمىن، – دەپ قوردان كومەك سۇراعان.
بەس باۋىردى بىر-بىرىنەن ايىرىپ، جەتىمدەر ۇيىنە الىپ كەتۋدەن ساقتاۋدىڭ نەگىزگى جولى – باسپانا الىپ بەرۋ. اركىمگە ءبىر جاۋتاڭداتپاي ءوز شاڭىراعى بولسا قايتىس بولعان اتا-انانىڭ شىراعى سونبەس. جەتىم-جەسىرىن جىلاتپاعان قازاقتىڭ كەڭ پەيىلدى تۇلعالارىنىڭ ارقاسىندا تاعى ءبىر مۇقتاج جانداردىڭ تىلەگى ورىندالدى.
گۇلميرا مۇحان قىزى جەتەكشىلىك ەتىپ وتىرعان قوعامدىق قور «1000 تەڭگەگە باسپانا» ۇرانىمەن 2017 جىلدىڭ 7 قازانىندا قۇرىلعان. جاناشىر، جومارت ادامداردىڭ ارقاسىندا از عانا ۋاقىتتىڭ ىشىندە مىڭ تەڭگە ۇرانىنان 1000 ءۇي الۋعا دا جەتتى. جەتىم-جەسىرىن جىلاتپاي، تاعدىر تاۋقىمەتىن تارتقان جانداردىڭ جۇرەگىندەگى سوڭعى ءۇمىتتىڭ شام شىراعىن سوندىرمەۋ ءۇشىن قور يگى ىستەردى اتقارا بەرمەك.
27 قازاندا «حارەكەت» قورى ءوزىنىڭ 6 جىلدىق مەرەيتويىن اتاپ وتەدى. سوعان وراي بارلىق جاناشىر جانداردىڭ باسىن قوسىپ، الماتى ارەنادا ەسترادامىزدىڭ جارىق جۇلدىزدارىنىڭ قاتىسۋىمەن ۇلكەن قايىرىمدىلىق كونسەرتىن وتكىزۋدى جوسپارلاپ وتىر.
بيلەتتەردى zakazbiletov.kz سايتىنان ساتىپ الا الاسىزدار!
پوسموترەت ەتۋ پۋبليكاسيۋ ۆ Instagram
پىكىر قالدىرۋ