قازاقستاندىقتار ەندى ءاتى-جونىن، تۋۋ تۋرالى كۋالىك پەن نەكەنى قيۋ، بۇزۋ، بالا اسىراپ الۋ جانە قايتىس بولعان ادام تۋرالى اكتىلىك جازبالارعا ۇكىمەتتىڭ ەلەكتروندى پورتالىندا ونلاين وزگەرىس ەنگىزە الادى.
سونداي-اق «ۇات» اق قوعاممەن بايلانىس باسقارماسى مالىمەتىنشە، جاڭا قىزمەت جەتكىلىكتى نەگىزدەر مەن مۇددەلى تۇلعالار اراسىندا داۋ بولماعان كەزدە عانا قۇجاتتارعا وزگەرىستەر ەنگىزۋدى كوزدەيدى. ماسەلەن، اتىن، تەگىن جانە اكەسىنىڭ اتىن وزگەرتۋ سەكىلدى وتىنىمدەر كىرەدى.
- «ازاماتتىق حال اكتىلەرى جازبالارىنا وزگەرىستەر، تولىقتىرۋلار مەن تۇزەتۋلەر ەنگىزۋ» جاڭا قىزمەتىنىڭ كومەگىمەن اكتىلىك جازبالارعا وزگەرىستەر ەنگىزۋ جانە قۇجاتتاردى قايتا شىعارۋ ءۇشىن نەگىزدەردى كورسەتىپ، راستايتىن قۇجاتتاردى تىركەۋ ارقىلى ءوتىنىم بەرۋگە بولادى»، – دەلىنگەن حابارلامادا.
وسى ورايدا، قانداي جاعدايلاردا قۇجاتتارعا وزگەرتۋلەر ەنگىزۋگە بولادى؟، – دەگەن سۇراققا «ۇات» اق قوعاممەن بايلانىس باسقارماسى تومەندەگىدەي جاۋاپتاردى بەردى.
- تەگىن، اتىن جانە اكەسىنىڭ اتىن وزگەرتۋ كەزىندە؛
- اكە بولۋدى انىقتاۋ تۋرالى سوت شەشىمىنىڭ كۇشى جويىلعان جاعدايدا؛
- نەكەدە تۇرماعان انانىڭ ءوتىنىشى بويىنشا بالانىڭ تۋۋى تۋرالى جازباعا بالانىڭ اكەسى تۋرالى مالىمەتتەردى ەنگىزۋگە؛
ەگەر ازاماتتىق حال اكتiسiن تiركەۋ كەزiندە قاتەلەر (بۇرمالاۋلار، ءمالiمەتتەردiڭ نەمەسە جەكەلەگەن سوزدەردiڭ ءتۇسiنiشiنiڭ بولماۋى) جول بەرiلسە؛
- ازاماتتىق حال اكتىلەرىن جازۋداعى قاتەلىكتى سوت تالقىلاۋىندا انىقتاعان كەزدە؛
- نەكەنىڭ بۇزىلۋىنا نەمەسە نەكە جارامسىز دەپ تانىلۋىنا بايلانىستى جۇبايىنىڭ (زايىبىنىڭ) تەگىن وزگەرتۋ كەزىندە؛
- سوتتىڭ بالا اسىراپ الۋدىڭ (اسىراپ الۋدىڭ) كۇشىن جويۋ نەمەسە جارامسىز دەپ تانۋ، سونداي-اق نەكەنى جارامسىز دەپ تانۋ تۋرالى شەشىمىنە بايلانىستى؛
- ۇلتىن اۋىستىرعان كەزدە؛
اتا-اناسىنىڭ تەگى مەن اكەسىنىڭ اتىنىڭ وزگەرۋىنە بايلانىستى كامەلەتكە تولماعان بالانىڭ تەگى مەن اكەسىنىڭ اتىن وزگەرتۋ كەزىندە جانە ت.ب.
ازاماتتىق حال اكتىلەرىنىڭ جازبالارىنا وزگەرىستەر، تولىقتىرۋلار مەن تۇزەتۋلەر ەنگىزۋگە ءوتىنىش بەرۋ ءۇشىن سىزگە:
• eGov.kz پورتالىنا كىلت ارقىلى كىرىڭىز؛
• قاجەتتى قىزمەت ءتۇرىن تاڭداڭىز؛
• وزگەرىستەر ەنگىزۋ ءۇشىن نەگىزدەردى تاڭداڭىز؛
• كۋالىك بەرەتىن حقكو فيليالىن تاڭداڭىز؛
• وتباسى جاعدايى مەن تابىس كوزىن كورسەتىڭىز؛
• وزگەرتۋلەر ەنگىزۋ قاجەت اكتىلىك جازبانىڭ ءنومىرى مەن تىركەلگەن كۇنىن كورسەتىڭىز؛
• اكتىلىك جازبا ءۇشىن قانداي وزگەرىستەر، تۇزەتۋلەر، تولىقتىرۋلار قاجەت ەكەنىن كورسەتىڭىز؛
• وزگەرىستەر ەنگىزۋ ءۇشىن راستايتىن قۇجاتتى تىركەڭىز؛
• تولەم جاساڭىز؛
• سۇرانىمعا قول قويىڭىز.
ءوتىنىم ناتيجەسى eGov.kz پورتالىنىڭ مارتەبەلىك بەتىندە جانە جەكە كابينەتىندە حابارلاما تۇرىندە پايدا بولادى. دايىن قۇجاتتى وتىنىمدە كورسەتىلگەن حقكو-دان الۋ قاجەت.
پىكىر قالدىرۋ