استانا قالاسىنداعى قازاقستاننىڭ ەكس-پرەزيدەنتى نۇرسۇلتان نازاربايەۆتىڭ ەسىمىمەن اتالاتىن ۇلتتىق قورعانىس ۋنيۆەرسيتەتىنەن «ق ر تۇڭعىش پرەزيدەنتى – ەلباسى» دەگەن سوزدەر الىنىپ تاستالىناتىن بولدى. بۇل تۋرالى Cەنات دەپۋتاتى بەكبول ورىنباساروۆ ايتتى.
سەناتتىڭ جالپى وتىرىسىندا «قازاقستاننىڭ كەيبىر زاڭنامالىق اكتىلەرىنە ۇلتتىق قوردان بالالارعا ارنالعان قاراجاتتى ەسەپتەۋ، تولەۋ جانە پايدالانۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى. سەنات وتىرىسىندا سەناتور بەكبول ورىنباساروۆ استاناداعى ۇلتتىق اسكەري ۋنيۆەرسيتەتتىڭ اتاۋى وزگەرەتىنىن اتاپ ءوتتى.
- بۇرىن جوعارى وقۋ ورنى قازاقستان رەسپۋبليكاسى تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەريتەتى دەپ اتالسا، ەندى قازاقستان رەسپۋبليكاسىنىڭ ۇلتتىق قورعانىس ۋنيۆەريتەتى دەپ اتالادى، - دەپ ناقتىلادى بەكبول ورىنباساروۆ.
پىكىر قالدىرۋ