قازاقستاننىڭ يندۋستريا جانە ينفراقۇرىلىمدىق دامۋىنا جاۋاپ بەرگەن بۇرىنعى ۆيسە-مينيستر تيمۋر توقتابايەۆقا 7 جىل باس بوستاندىعىنان ايىرۋ جازاسى تاعايىندالدى، دەپ حابارلايدى Qamshy.kz.
توقتابايەۆ پايدالى قازبالاردىڭ ءىرى قورلارى بار كەن ورىندارىن ونىمەن ۇلەستەس تۇلعالارعا بەرۋ كەزىندە اۋىر زارداپتارعا اكەپ سوقتىرعان لاۋازىمدىق وكىلەتتىكتەردى تەرىس پايدالانعانى ءۇشىن كىنالى دەپ تانىلدى.
توقتابايەۆ مەملەكەتتىك قىزمەتتە قىزمەت اتقارۋ قۇقىعىنان، «ەرەن ەڭبەگى ءۇشىن» مەملەكەتتىك ناگراداسىنان ايىرىلدى.
سوسىن قىمبات مۇلىكتەرى تاركىلەندى:
- الماتى قالاسى، بوستاندىق اۋدانى، كوكشوقى ش/ا مەكەنجايى بويىنشا ورنالاسقان جەر ۋچاسكەسى؛
- الماتى قالاسى، بوستاندىق اۋدانى، الماتى باۋ-باقشا سەرىكتەستىگى مەكەنجايىندا ورنالاسقان تۇرعىن ءۇي؛
- 2021 جىلى شىققان «Mercedes-Benz Maybach S580 4MATIC» ماركالى اۆتو؛
- 2021 جىلى شىققان «Bentley Bentayga V8» ماركالى اۆتو.
- ون ءۇش كوممەرسيالىق ۇيىمنىڭ قاتىسۋ ۇلەسى.
سونىمەن قاتار، بۇرىنعى ۆيسە-مينيستر ت. توقتابايەۆقا قاتىستى قىلمىستىق ءىستى تەرگەۋ شەڭبەرىندە مەملەكەتكە قوستاناي وبلىسىنداعى «شيەۆچەنكوۆسكوە» بىرەگەي كەن ورنى قايتارىلدى.
كەن ورنىندا نيكەل (1،075 ملن توننا) جانە كوبالت (585،9 مىڭ توننا) قورى بار. پايدالى قازبالار قورلارىنىڭ قۇنى 5،6 ترلن تەڭگەدەن اسادى.
پىكىر قالدىرۋ